Landdag diskereert över Plattdüütsch
De plattdüütsche Spraak is en groten Deel vun Sleswig-Holsteen. Man woans kann se beter schuult un ünnerstütt warrn? Döröver hebbt de Politikers snackt un weern verscheden Menens.
Al in'n Aprilmaand harr de SPD-Frakschoon en Andrag stellt un de Lannsregeren anstött, se schull en Gesett to dat Föddern vun de Nedderdüütsche Spraak in den apentlichen Ruum op den Weg bringen. En Gesett för Platt. So'n Idee is nie in Sleswig-Holsteen, man op Bunnsnivaa nich ahn Vörbild. Dat Bunnsland Brannenborg hett siet 2024 en Nedderdüütschgesett.
Birte Pauls (SPD): Klore Tostännigkeiten fehlt
Dorop hett in de Debatt denn ok Birte Pauls vun de SPD henwiest un sik betrocken op en Vörslag, den de Plattdüütsche Raat för Sleswig-Holsteen in'n Maartmaand vörleggt harr.
In dem Gesetz und auch in dem Vorschlag der Sprechergruppe zu einem möglichen Gesetz in Schleswig-Holstein sind klare Verbindlichkeiten und Zuständigkeiten auf allen Ebenen geregelt. Das ist das, was jetzt fehlt, tatsächlich. Auch bräuchte es eine zentrale Instanz wie zum Beispiel ein Kompetenzzentrum Niederdeutsch, um Aufgaben zu bündeln, die jetzt eher zufällig und vor allen Dingen ehrenamtlich geleistet werden. Birte Pauls, SPD-Fraktion
"Förderung der niederdeutschen Sprache in Schleswig-Holstein" - so is de SPD-Andrag överschreven.
Koalitschoon: Gesett nich nödig
"Stärkung des Niederdeutschen in Schleswig-Holstein weiter fortsetzen" - so heet de Alternativandrag, mit den CDU un Bündnis 90/Die Grünen denn in'n Junimaand reageert hebbt. Gesett dor keen Thema. Wöörtlich: "Der Landtag begrüßt die verbindlichen Regelungen in Gesetzen, Verordnungen oder Fachanforderungen."
Schall heten: Plattdüütsch hett en egen Afsatz in de Lannsverfaten; dat gifft plattdüütsche Zentren, de ünnerholen warrt; middewiel sünd dat 55 plattdüütsche Modellscholen in't Land, an de üm un bi 4.000 Schölers Platt lehrt, un so wieder. Sowat löppt ok ahn Gesett al.
Volker Nielsen (CDU): Jedeen hett en Andeel an'n Schuul
Un denn nimmt Volker Nielsen vun de CDU ok de Plattsprekers sülvst in de Plicht:
Jedereen, de Platt snackt, op Fier oder irgendwo in't Land, hett sien Andeel an dat Holen vun uns Moderspraak. So is keen Bedarf för en Extragesett dor. Un so beed ik den Landdag unsen Andrag för dat wiedere Schützen, Föddern un Plegen von dat Plattdüütsche totostimmen. Volker Nielsen, CDU-Fraktion
Anne Riecke (FDP): Veel Luft na baven
Gegenreed kümmt vun de FDP, de den SPD-Andrag ünnerstütt. Ja, dor löppt al veel, bekräftigt Afoornte Anne Riecke, man lang noch nich perfekt. So sünd vun de 55 plattdüütschen Modellscholen in't Land man 12 blots wiederföhren Scholen. Platt also vörall en Saak för de Grundscholen.
Un denn sprickt Riecke de Situatschoon an dat Institut für Qualitätsentwicklung an Schulen Schleswig-Holstein (IQSH) an. Dor an't IQSH is de Steed vun den Lannsfackberader Nedderdüütsch siet Johren nich besett.
Fortbildungen werden zwar weiter angeboten, ein Landesfachtag konnte wegen der unbesetzten Stellen aber seit drei Jahren nicht stattfinden. Zudem hat der Europarat Schleswig-Holstein empfohlen, das Bildungsangebot für Niederdeutsch zu stärken und sicherzustellen, dass ausreichend qualifizierte Lehrkräfte hier zur Verfügung stehen. Anne Riecke, FDP-Fraktion
Andrag warrt vun de Koalitschoon överstimmt
Üm de Saak mit de Steed an't IQSH will se sik nu kümmern, versprickt Wetenschopsministersch Dr. Dorit Stenke vun de CDU. Wat den rechtlichen Tosnitt vun de plattdüütsche Spraakpleeg in Sleswig-Holsteen sünst angeiht, blifft se bi all de verscheden Busteen, de dat gifft: Den plattdüütschen Biraat bi'n Landdag, de Projektmiddels för de plattdüütsche Mediensteed Plattform, de Stütt för de plattdüütschen Bühnen, üm noch mehr to nömen.
De Afstimmen an't Enn vun de Utspraak denn ahn Överraschen. Swatt-Gröön överstimmt den roden Andrag op en egen Plattgesett.
Stattdessen werden wir als Land auch in den kommenden Jahren mit allen beteiligten Organisationen und Einrichtungen weiter intensiv zusammenarbeiten, sie weiterhin ideell wie finanziell nach allen Kräften unterstützen und damit die Sprachenvielfalt in unserem Land erhalten. Dr. Dorit Stenke (CDU), Wetenschopsministersch Sleswig-Holsteen
