AUDIO: De Woch up Platt in MV: Wåhlen, Spars un ein niege Utstellung (3 Min)

von Thomas Lenz

Wåhlen: Niege Börgermeister för vier Städer in’t Land

In vier Städer in’t Land ward an´n 12. April wählt: In Swerin, Wismer, Ückermünn’ un Anklam geiht dat üm denn Posten von denn Börgermeister. In Swerin wier de SPD-Mann Rico Badenschier von dat Amt trüchträden, in de drei anner Städer geiht de Amtstiet von de Börgermeisters normal tau Enn’. Woans de Wåhlen lopen un utgåhn, kann’n Sünndach- Åbend naläsen ünner www.ndr.de/mv.

Dokters un Krankenswesters klagen œwer mihr Gewalt in de Praxen

Bi de Dokters in ehre Praxen in Mäkelborg un Vörpommern wiesen Patschenten ümmer öfter de Fust, orrer draugen tauminnst, Dokters un Krankenswesters an de Plünnen tau gåhn. So steiht dat in ein nich repräsentativ´ Ümfrach von de Ärztekåmer. Dor seggen 67 Perzent von de Swesters, dat sei all mål von Patschenten aftåkelt orrer utschimpt worden sünd. Bi 13 Perzent seggen, sei sünd ok eins an’n Lief angräpen worden. 32 Perzent seggen, sei hebben so Malessen mit Patschenten noch nie nich hatt.

Ärzte und Schwestern beklagen wachsende Gewalt in den Praxen

Eine Umfrage der Ärztekammer Mecklenburg-Vorpommern zeigt, dass Drohungen und Handgreiflichkeiten seitens Patienten zunehmen.

Gemüs wasst ünner Folie: Spars-Tiet fangt an

De ierste Spars ut uns Land is riep för de Aust, tau’n Bispill in Wöbbelin in’n Landkreis Ludwigslust-Parchim un in Tieplitz in’n Landkreis Rostock. Dor wasst de Spars ünner Folien un is dorüm all tiedig in’t Johr tau hebben. De Pries kümmt up de Qualität an un licht twischen 6 un 18 Euro för’t Kilo. Dat Landwirtschaftsministerium secht, in Mäkelborg-Vörpommern sünd verläden Johr up gaud 130 Hektar üm un bi 550 Tunnen Spars aust’t worden.

UNESCO: Karussells, Scheitbauden un Zuckerwatt-Stänn’ warden „Immaterielles Kulturerbe“

De Schaustellerkultur ward as „Immaterielles Kulturerbe“ anerkennt, also ünner annern Karussells, Scheitbauden un Zuckerwatt-Stänn’. Dat de UNESCO dat so fastlecht hett, dormit låwt sei dat Wark von mihr as 5.000 Schausteller-Fomilien in Düütschland, heit dat von denn Schaustellerbund. In Rostock is dat de Woch in de Marienkark bi denn Ostermarkt fiert worden.

Immaterielles Kulturerbe: Das erhoffen sich die Küstenfischer

Der ehrenvolle Titel könnte die politische Schlagkraft erhöhen und helfen, den Beruf vor dem Aussterben zu bewahren.

Niege Utstellung tau Diere in de Bibel

Dat Bibelzentrum in Borth hett ein niege Utstellung anfungen, œwer Diere in de Bibel. Besäuker kœnen dor de Diere ut Bibelgeschichten wies warden un seihn, wat sei bedüden, also wat för Symbole dor achter sticken. Dorœwer rut kann’n bi jedein Diert ein lütt Radel knacken. Dat Bibelzentrum is von Dingsdach bet Sünndach ümmer bet Klock fief an’n Nåmeddach up.