AUDIO: De Woch up Platt in MV: Rüstung, Wehrplicht und een Wallfisch (2 Min)

von Christian Peplow

Schäulers demonstrieren gägen Wedderinführung von de Wehrplicht

Hunnerte Schäulerinnen un Schäulers hebben in Mäkelborg-Vörpommern gägen een mœglich Wedderinführung von de Wehrplicht demonstriert. In Rostock, Schwerin, Strålsund, Griepswold, Wismer un Niegenbramborg hett dat Måhnwachten un Demonstratschionstœch gäwen. De Jugendlichen hebben dormit bi een bunneswiet Aktschion mitmåkt. Een Spräkerin von de Bildungsgewerkschaft Erziehung un Wetenschåp - kort GEW - hett in een Interview mit denn Nuurddüüschen Rundfunk secht, de GEW ünnerstütt denn Streik.

Schüler in MV demonstrieren gegen Wehrpflicht

In Rostock, Schwerin, Stralsund, Greifswald, Wismar und Neubrandenburg gab es Mahnwachen und Demonstrationszüge.

Œwernåhm afschlåten: Peenewerft hürt nu een Rüstungs-Konzern

De Peenewerft in Wolgast hürt nu offischiell tau Rheinmetall. Up de Werft will de Rüstungs-Konzern in tokåmen Tieden Schäpen bugen. Dortau sallen dor ok Ståhl-Deele för de Bunneswehr produschiert warden. Dorüm würden ok mihr Mitarbeiters brukt, secht de Vörstandsvörsitter Armin Papperger.

Keen Utnåhm mihr: Goordenaffall möt in de Tunn

Goordenaffall dörf von 2029 an nich mihr up dat eegen Grunnstück afbrennt warden. Dat Ümweltministerium von't Land hett dortau een Verordnung ännert. Lof orrer ok Strukwark un Telken möten denn in de Biotunn entsorgt orrer nå denn Wiertstoffhoff bröcht warden. Komposteeren is wiederhen taulåten.

Besäuk ut’n Atlantik: Wallfisch verbiestert sik in Håben von Wismer

Een so üm un bi teihn Meters langen Finnwall is disse Wäk in'n Håben von Wismer updükert. Rettungsdeinsten un Naturschützers hebben em - nå een por Fählversäuken - ut de Wismer-Bucht rutbröcht. Dat Diert har sik in een Nett verfungen. Dükers kunnen denn Wallfisch to'n Deel dorvon friemåken. Låter is de Finnwål in de Lübecker Bucht seihn worden.

Wal in Wismar: Tier wurde mit Tauchern aus dem Hafen geleitet

Passanten filmten den Finnwal, der seine Bahnen durch das Hafenbecken zog. Die Bedingungen für Wale sind in der Ostsee alles andere als ideal.

Läwensgefohr: Vör Küstenafbrüch up Rügen wohrschuucht

An de Kriedküst von Rügen hebben de Frost un dat nåfolgen Dauwäder een groten Kreidafbruch utlöst. Nå Utkunft von dat Natschionalparkamt sünd nüürdlich von Sassnitz rund 9.000 Kubikmeter Kried in de Ostsee stört't. Dat is de gröttst Afbruch siet 15 Johren west. Wägen de Afbruchgefohr süllen Lüd nich ünner dat Kliff längslopen un up dat Hochäuwer de vörschräben Wääch inhollen.