11°CUSTAV
“Ўзбекгидроэнерго” акциядорлик жамияти Ўзбекистон Республикаси Президентининг 2017 йил 18 майдаги “Ўзбекгидроэнерго” акциядорлик жамиятини ташкил этиш тўғрисида”ги ПФ-5044-сонли Фармони ва 2017 йил 18 майдаги “Ўзбекгидроэнерго” акциядорлик жамияти фаолиятини ташкиллаштириш чора-тадбирлари тўғрисида”ги ПҚ-2972-сонли қарори ҳамда Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасининг 2017 йил 12 июндаги 04-к-ПО-сонли буйруғига асосан ташкил этилган ва Тошкент шаҳар Адлия бошқармаси Шайхонтохур тумани тадбиркорлик субъектларига “Ягона дарча” тамойили буйича давлат хизматларини кўрсатиш ягона дарча маркази томонидан 2017 йил 19 июнда 527273-сон билан рўйхатга олинган.
“Ўзбекэнерго” акциядорлик жамиятининг гидроэлектростанциялари, гидротехник ва бошқа гидроэнергетика билан боғлиқ бўлинмалари ҳамда Ўзбекистон Республикаси Қишлок ва сув хўжалиги вазирлигининг “Ўзсувэнерго” бирлашмаси негизида “Ўзбекгидроэнерго” акциядорлик жамияти ташкил этилган бўлиб, уларнинг ҳуқуқий вориси “Ўзбекгидроэнерго” АЖ хисобланади.
Жамият ўз фаолиятини Ўзбекистон Республикасининг Фукаролик кодекси, Қонун ва бошқа меъёрий ҳуқуқий хужжатларга мувофиқ олиб боради.
Жамиятнинг тўлиқ фирма номи:
а) ўзбек тилида:
- лотин ёзувида - “O‘zbekgidroenergo” aksiyadorlik jamiyati;
- кирилл ёзувида - “Ўзбекгидроэнерго” акциядорлик жамияти.
б) рус тилида - Акционерное общество “Узбекгидроэнерго”;
в) инглиз тилида - Joint-stock company “Uzbekhydroenergo”.
Жамиятнинг қисқартирилган номи:
а) ўзбек тилида:
- лотин ёзувида - “О‘zbekgidroenergo” AJ;
- кирилл ёзувида - “Ўзбекгидроэнерго” АЖ.
б) рус тилида - АО “Узбекгидроэнерго”;
в) инглиз тилида - JSC “Uzbekhydroenergo”.
Жамиятнинг жойлашган жойи (почта манзили): Ўзбекистон Республикаси, 100011, Тошкент шаҳри, Шайхонтохур тумани, Навоий кўчаси, 22- уй.
Жамиятнинг электрон почта манзили: [email protected].
Жамиятнинг расмий веб-сайти: www.uzgidro.uz.
