Real Oviedo

Real Oviedo

Ezizena(k)	Los Carbayones, Los Godos
Sorrera	1926
Futbol zelaia	Nuevo Carlos Tartiere edukiera: 30.500 lagun inaugurazioa: 2000
Presidentea	Martín Peláez
Entrenatzailea	Luis Carrión
Liga	Bigarren Maila
2023-24	6.a
Webgunea	Webgune ofiziala
Etxekoa 　 Kanpokoa 　 3. koloreak

Real Oviedo, 1926an.

Nuevo Carlos Tartiere estadioa.

Real Oviedo futbol talde asturiarra da, 1926an Oviedo/Uviéu hirian sortutakoa Real Stadium Club Ovetense eta Real Club Deportivo de Oviedo taldeek bat egin zutenean. Gerra aurrean talde izugarria izan zuen. Real Sporting de Gijonen aurkari tradizionalak izan dira historikoki, arrazoi geografikoak direla eta.

Historia

Sorrera

Aberatsen semeak Ingalaterran ikasten zuten eta Oviedora itzultzerakoan Ingalaterran ezagututako foot-ball izeneko kirol berri batean jokatzen hasi ziren. 1903an jadanik baziren futbol partidak hirian. 1914ean Oviedo ordezkatzeko talde indartsua sortu zen, Real Stadium Club Ovetense, kamiseta hori beltza zeukan. 1919an bigarren talde bat ere eratu zen, Real Club Deportivo de Oviedo, kamiseta zuriduna. Berehala sortu zen bien arteko lehiakortasuna, izan ere Ovetense langileen taldea baitzen eta Oviedo aldiz aberatsena.

1924-25ean Ovetensek Asturiasko txapelketa irabazi zuen eta Errege Kopan parte hartzeko txartela eskuratu zuen. Hurrengo urtea ordea oso kaskarra izan zen hiriko bi taldeentzat eta 1926an biek bat egin eta Real Oviedo eratu zuten. Carlos Tartiere izan zen lehenengo lehendakaria eta kolore urdina hautatu zuten, hau baita hiriaren kolorea. Bestalde Oviedoko katedraleko Areto Santuan dagoen aingeruen gurutzea armarrian ezartzea erabaki zuten.

Lehenengo partida Ovetenseren Vetusta estadioan jokatu zuen Getxoko Arenasen aurka eta 2-6 galdu zuen. Asturiasen ordea Sporting de Gijónen nagusitasun erabatekoa kolokan jarri zuen 1928 eta 1929ko Asturiasko txapelketak irabaziz.

Ligaren hasieran "Urrezko aroa"

1928-29an Liga hasi zenean Oviedo bigarren mailan kokatua izan zen. Hala ere 1933an Emilio García Martínez “Emilín” fitxatu zuen Sportingi 30.000 pezeta ordainduz (ordura arteko Espainiako bigarren fitxajerik garestiena) eta igoera lortu zuen eta 1934-35 eta 1935-36an hirugarren egitea lortu zuen. Emilín bera oraindik ere historiako jokalari asturiarrik onena kontsideratua dago.

Lehen mailan egon zen hiru urte horietan 174 gol sartu zituen, 2'8 gol partiduko eta 1936an talderik goleatzaileena izan zen. Honetaz gain aipatu beharra dago Isidro Langara aurrelari pasaitarra pichichia izan zela hiru urteotan jarraian. Urte horietan ere Asturiasko txapelketaren irabazlea izan zen.

Gerra Zibilaren osteko urteak

Gerra Zibilak kalte handiak ekarri zizkion taldeari. Futbol zelairik gabe gelditu zen eta jokalari ugari, hilda edo herbestean zituen. Hau ikusirik Espainiako Futbol Federazioak urte hori jokatu gabe egoten utzi zion eta hurrengo urtean berriz ere lehen mailan arituko zela esan zion. 1939-40 ligan berqaz bere lekua Atlético Aviaciónek hartu zuen eta berau izan zen gainera Ligaren irabazlea.

Federazioak agindu bezala 1940-41 denboraldia lehen mailan egin zuen berriz. 1950 arte bertan arituko zen eta postu on batzuk egin zituen, 1944 eta 1945eko laugarren postuak kasu. 50. hamarkadan bigarren mailako denboraldi bikainak eta lehen mailako denbor5aldi eskasak tartekatu zituen.

60. hamarkadan bigarren "Urrezko aroa"

1959an lehen mailara igotzean talde indartsua osatu zuen berriro, Julio Marigil, Sánchez-Lage argentinarra, Iguarán kolonbiarra eta harrobiko Paquito eta José María, besteak beste. Emaitzarik onena 1962-63an izan zuen berriz ere hirugarren postua lortuz. Halako denboraldia egin ondoren jokalari hauek talde indartsuagoetara joan ziren eta taldearen indarra nabarmen jeitsi zen. 1965ean maila galdu zuen eta hurrengo bi hamarkadetan denbora gehiago egin zuen bigarren mailoan lehen mailan baino.

1972-73an lehen mailan aritu zen eta Marianín aurrelariak Oviedoran laugarren Pichichi Saria lortu zuen. Hala ere bi urte baino ez zituen egin maila gorenean. 1975ean berriz ere urtebeterako itzuli zen lehen mailara Vicente Mieraren eskutik. 70. hamarkadaren bukaeran historian lehen aldiz bigarren B mailara jeitsi zen. Garai txar honek gainera bere betiko aurkaria izan den Sportingen garai onenarekin koinziditu zuen. Ez zen lehen mailara itzuliko 1988 urterarte.

Lehen mailan (1989-2001)

1989an berriz ere lehen mailara igotzea lortu zuen, beriz ere Vicente Miera entrenatzaile izanik. 13 denboraldi jarraian egingo zituen gainera maila gorenean. Emaitzarik onena 1991ean lortu zuen seigarren postua izan zen. Honek UEFA Kopan parte hartzeko aukera eman zion.

Gainbehera

2001ean lehen mailatik jeitsi ondoren beherako bideari ekin zion. 2003an Bigarren B mailara jeitsi zen, baina jokalariek kluba salatu zuten kobratzen ez zutelako eta Federazioak hirugarren mailara bidali zuen. Krisialdi latz honen aurrean bi jarrera nagusitu ziren, bata udaletxearena, taldea birfundatzea hirugarren mailako Astur Club de Fútboletaz baliatuz eta bestea nola hala Oviedok aurrera jarraitzea. Hirian benetako banaketa bat izan zen eta azkenean hiritarrek udaletxearen nahiari aurre egin eta taldeak bere horretan jarrai zezan lortu zuten.

Hirugarren mailan egin zuen urte hura benetan gogorra izan zen. Federazioak sei puntutako galerarekin has zedin erabaki zuen (ordainketak egin ez izanagatik). Urte hartan Oviedo eta Asturren harteko derbian 16.573 ikusle bildu ziren, hirugarren mailaren historia guztian izan den ikuslegorik handiena. Azkenean Oviedok lortu zuen txapeldun geratu eta bigarren B mailara igotzea. 2007an berriz jeitsi zen hirugarren mailara eta bi urte egin zituen bertan.

Urte batzuk Bigarren B mailan egin ondoren 2014-15 denboraldian txapeldun geratu eta Bigarren mailara itzuli zen. 2023-24 denboraldian seigarren egin zuen eta igoera play-offetarako sailkatu zen. Lehen kanporaketan Eibar gainditu zuen eta azken kanporaketan etxean 1-0 irabazi bazuen ere kanpoan Espanyol nagusitu zitzaion 2-0 emaitzaz.

Uniformea

Historikoa

1926

1967-tik

Azken urteak

2019-2020

2020-2021

2021-2022

2022-2023

2023-2024

Datuak

2024-25 barne:

• Denboraldiak 1. mailan: 38
• Denboraldiak 2. mailan: 42
• Denboraldiak 2. B mailan: 9
• Denboraldiak 3. mailan: 4
• Ligako posturik onena: 3.a Lehen mailan (1934-35, 1935-36, 1962-63)

Azken denboraldiak

Urtea	#	Maila	Postua	Errege Kopa
2004-05	4	Hirugarren Maila	1.a	2. itzulia
2005-06	3	2. B Maila	7.a	2. itzulia
2006-07	3	2. B Maila	19.a	1. itzulia
2007-08	4	Hirugarren Maila	1.a	-
2008-09	4	Hirugarren Maila	1.a	2. itzulia
2009-10	3	2. B Maila	2.a	2. itzulia
2010-11	3	2. B Maila	8.a	2. itzulia
2011-12	3	2. B Maila	6.a	final 1/32
2012-13	3	2. B Maila	3.a	2. itzulia
2013-14	3	2. B Maila	5.a	1. itzulia
2014-15	3	2. B Maila	1.a	final 1/32
2015-16	2	Bigarren Maila	9.a	3. itzulia
2016-17	2	Bigarren Maila	8.a	2. itzulia
2017-18	2	Bigarren maila	7.a	2. itzulia
2018-19	2	Bigarren maila	8.a	2. itzulia
2019-20	2	Bigarren maila	15.a	1. itzulia
2020-21	2	Bigarren maila	13.a	2. itzulia
2021-22	2	Bigarren maila	7.a	1. itzulia
2022-23	2	Bigarren maila	8.a	final 1/16
2023-24	2	Bigarren maila	6.a	2. itzulia
2024-25	2	Bigarren maila		1. itzulia

Irabazitako txapelketak

Espainiako txapelketak: 6

• Espainiako futbol ligako lehen maila: 0

hirugarren 1934-35, 1935-36 eta 1962-63an.

• Espainiako futbol ligako bigarren maila: 5

1932-33, 1951-52, 1957-58, 1971-72 eta 1974-75

• Espainiako futbol ligako bigarren B maila: 1

2014-15

• Pichichi Saria: 4

Isidro Langara (1934, 1935, 1936) eta Marianín (1973)

• Bigarren mailako Ligako Kopa: 1

1985.

Asturiasko txapelketak: 7

• Asturiasko txapelketa: 5

1928, 1929, 1933, 1934, 1935

• Txapelketa Astur-kantabroa: 1

1932

• Txapelketa Astur-galegoa: 1

1936

Jokalari ezagunak

• Isidro Langara (1912-1992), aurrelaria.

Kanpo estekak

• (Gaztelaniaz) Oviedoren webgune ofiziala
• (Gaztelaniaz)Magazine Oviedista Real Oviedo

• Datuak: Q271574
• Multimedia: Real Oviedo / Q271574