Idrissa Ouedraogo

Idrissa Ouedraogo
	; Irudi gehiago
Bizitza
Jaiotza	Banfora, 1954ko urtarrilaren 21a
Herrialdea	Burkina Faso
Heriotza	Uagadugu, 2018ko otsailaren 18a (64 urte)
Hezkuntza
Heziketa	Institut des hautes études cinématographiques (en)
Hizkuntzak	frantsesa
Jarduerak
Jarduerak	film-zuzendaria, gidoilaria eta zinema ekoizlea
Lan nabarmenak	ikusi Grandmother (en) ; The Law (en) ; Kadi Jolie (en) ;
Jasotako sariak	ikusi Arte eta Letren zalduna ; Stallion of Yennenga (1991) ;

Inprimatzeko bertsioa dagoeneko ez dago onartuta, eta baliteke errepresentazio erroreak izatea. Egunera itzazu zure nabigatzaileko laster-markak, eta horren ordez erabil ezazu nabigatzaileko inprimatze funtzio lehenetsia.

Idrissa Ouedraogo (Banfora, Volta Garaia, 1954ko urtarrilaren 21a - Uagadugu, 2018ko otsailaren 18a) Burkina Fasoko zinema-zuzendaria izan zen.

Biografia

Afrikako Zinemagintza Ikaskuntzetarako Institutuan egin zituen ikasketak, eta Parisa joan zen gero, ikasketak sakontzera. Frantzian telebistarako dokumental asko egin zuen hasieran, bere ikuste-estilo berezia leuntzeko balio izan ziotenak. Genero- eta narrazio-forma desberdinak saiatzea atsegin bazaio ere, bere film luzeen gai nagusia bidaia izaten da, hala bidaia fisikoa (herritik hirira, Samba Traore edo Kini & Adams filmetan bezala) nola metaforikoa (afrikarren barne-odisea tradizioan eta kulturan zehar, Tilai filmean bezala). Bere filmetako estetika preziosista eta Afrikaz ematen duen ikuspegi nostalgiko exotikoa direla eta, eztabaida handiak sortu dira Ouedraogoren ikuspegia gaitzesten dutenen (europartzat jotzen dutelako) eta defendatzen dutenen artean (miseriatik ateratzeko eta irudi eta hots perfektutasuna bilatzeko ahaleginagatik). Bere filmak nazioarteko jaialdi inportantenetan lehiatu dira, arrakasta handiz: Yaaba eta Talai filmek, adibidez, Kritikaren Saria eta Epaimahaiaren Sari Nagusia irabazi zuten 1989. eta 1990. urteetan; Samba Traorek Zilarrezko Hartza irabazi zuen Berlinen, 1992an; eta Le Cri de Couerek, Veneziako Mostran parte hartu zuen, 1994an.

Filmografia

Film laburrak

Pourquoi? (1981)
Poko (1981)
Les Écuelles (1983)
Les Funérailles du Larle Naba (1984)
Ouagadougou, Ouaga deux roues (1985)
Issa le tisserand (1985)
Obi (1991)
Africa, mon Afrique (1994)
Gorki (1994)
Les Parias du cinemas (1997)
Scenarios from the Sahel (2001)

Filmak

Yam Daabo (1986)
Yaaba (1989)
Tilaï (1990)
Samba Traoré (1993)
The Heart's Cry (1994)
Kini and Adams (1997)
Anger of the Gods (2003)
Kato Kato (2006)

Telesailak

Entre l'arbre et l'ecorce (1999)
Kadi Jolie (2001)

Erreferentziak

Wikimedia Commonsen badira fitxategi gehiago, gai hau dutenak: Idrissa Ouedraogo

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q113628
Multimedia: Idrissa Ouedraogo / Q113628