Бенджамін Ліст

Бенджамін Ліст
ням.: Benjamin List
Дата нараджэння	11 студзеня 1968(1968-01-11) (56 гадоў)
Месца нараджэння	Франкфурт-на-Майне, адміністрацыйная акруга Дармштат, Гесэн, ФРГ
Грамадзянства	Германія
Род дзейнасці	хімік, выкладчык універсітэта, навуковец
Навуковая сфера	хімія, арганічная хімія і management of science and research[d]
Месца працы	Max Planck Institute for Coal Research[d] Кёльнскі ўніверсітэт Універсітэт Хакайда[d]
Навуковая ступень	доктарская ступень[d] і доктар філасофіі
Альма-матар	Свабодны ўніверсітэт Берліна Франкфурцкі ўніверсітэт імя Ёгана Вольфганга Гётэ
Член у	Леапальдзіна
Узнагароды	Otto Bayer Award[d] (2012) Horst Pracejus Prize[d] (2013) прэмія імя Лейбніца[d] (2016) Ruhrpreis for Arts and Science[d] (2013) Carl Duisberg Memorial Award[d] (2003) Mukaiyama Award[d] (2013) Clarivate Citation Laureate[d] (2009)
Медыяфайлы на Вікісховішчы

Бенджамін (Бен’ямін) Ліст (англ.: Benjamin List; нар. 11 студзеня 1968(1968-01-11), Франкфурт-на-Майне, Гесэн) — нямецкі хімік, лаўрэат Нобелеўскай прэміі па хіміі (2021) сумесна з Дэвідам Мак-Міланам.

Пляменнік лаўрэата Нобелеўскай прэміі Хрысціяны Нюслайн-Фольхард. У 1993 годзе атрымаў ступень бакалаўра на факультэце хіміі Беплінскага вольнага ўніверсітэта. У 1997 годзе атрымаў доктарскую ступень ва Франкфурцкім універсітэце імя Гётэ. З 1999 па 2003 год працаваў у Навукова-даследчым інстытуце Скрыпса ў Ла-Холье, ЗША. Прафесар Кёльнскага ўніверсітэта, дырэктар і прафесар Інстытута даследавання вугалю Таварыства Макса Планка. Таксама працуе галоўным даследчыкам Інстытута даследавання хімічных рэакцый у Універсітэце Хакайда. Згодна з Google Scholar, індэкс Хірша Ліста — 95.

У 2005 годзе Ліст быў запрошаным прафесарам ва ўніверсітэце Гакусюін у Токіа, у 2008 годзе — ва ўніверсітэце Сангюнгван. З 2004 года — ганаровы прафесар Кёльнскага ўніверсітэта (Інстытута арганічнай хіміі). У 2018 годзе быў абраны членам Германскай акадэміі прыродазнаўцаў «Леапальдзіна». У 2019 годзе Ліст выступіў з пленарнай лекцыяй на навуковым форуме Таварыства нямецкіх хімікаў.

У 2021 годзе атрымаў Нобелеўскую прэмію па хіміі «за развіццё асіметрычнага арганакаталізу» разам з Дэвідам Мак-Міланам.

Узнагароды і прэміі

• Мемарыяльная прэмія Карла Дуйсберга (2003)
• Прэмія Ота Баер у памеры 75 тысяч еўра (2012)
• Рурская прэмія ў галіне навукі і мастацтва (2013)
• Прэмія Готфрыда Лейбніца (2016)
• Нобелеўская прэмія па хіміі (2021)