Agurea eta itsasoa

Agurea eta itsasoa
Datuak
Idazlea	Ernest Hemingway (1951)
Argitaratze-data	1952
Generoa	Eleberria
Jatorrizko izenburua	The Old Man and the Sea
Hizkuntza	ingelesa
Argitaletxea	Charles Scribner's Sons (en)
Herrialdea	Ameriketako Estatu Batuak
OCLC	232125095
Euskaraz
Izenburua	Agurea ta Itxasoa / Agurea eta Itsasoa
Itzultzailea	Anjel Goenaga / Joxemari Iturralde
Argitaratze-data	1963 / 1990

Agurea eta itsasoa (ingelesez The Old Man and the Sea) Ernest Hemingway idazle estatubatuarrak idatzitako eleberria da. Kuban idatzi zuen 1951n eta 1952an argitaratu zen. Ernest Hemingwayren azken fikziozko lana izan zen, baita entzutetsua ere. Liburuak 1953an Pulitzer Saria jaso zuen.

Argudioa erraza da: Kubako arrantzale zahar batek (Santiago) borroka luzea edukiko du oso arrain handi batekin. XX mendeko fikziozko liburu garrantzitsuenetarikotzat hartzen da.

Liburua askotan zinemaratu da. Filmik ezagunena John Sturgesek 1958an zuzendutakoa izenburu berdineko filma da, Spencer Tracy antzezlea Santiagoren papera jokatzen.

Euskarazko bertsioak

1960ko abuztuaren 21ean, Ernest Hemingway-k Agurea eta itsasoa eleberria euskaratzeko baimena eman zion Jose Artetxeri. Liburuaren hitzaurrean kontatzen du Artetxek idazle estatubatuarrarekin izandako enkontrua, nola egon zen hura zezenketetatik itzuli zain eta nola gerturatu zitzaion Donostiako Maria Cristina hotelean. Asmoa azaldu zionean, euskaraz zelako, adierazi ziola eskubideengatik ezer kobratuko. 1963an argitaratu zen Anjel Goenagak itzulitako eleberria.

Euskaraz bi bertsio daude, beraz. Bata, aipatutako Anjel Goenagak itzulia eta Itxaropena argitaletxeak argitaratua 1963an, Kuliska Sorta bilduman. Bigarrenik, 1990ean Elkarrek bigarren itzulpena argitaratu zuen, Joxemari Iturraldek egindakoa.

Zinema

• The Old Man and the Sea (1958)

Kanpo estekak

• [1] Susa argitaletxearen webgunean.

• Datuak: Q26505

Artikulu hau literaturari buruzko zirriborroa da. Wikipedia lagun dezakezu edukia osatuz.