佐治夏里遜

喺披頭四時，因為約翰連儂同保羅麥卡尼呢兩個人嘅影響力太大，佢雖然有才華，不過一直俾呢兩個人遮住晒，活喺佢哋嘅陰影之下，又加上佢相比其他人係最安靜最低調嘅成員，人哋提到佢時成日就會叫佢「安靜嘅披頭四」或者「第三只披頭四」。

1960年代中，因為佢去到印度，接觸咗東方嘅樂器、音樂同埋哲學，令到佢做嘅音樂融入咗唔同嘅色彩同內涵，成為咗世界音樂嘅先鋒，唔單止對嗰時披頭四嘅音樂風格有好大嘅轉變，對西方嘅音樂世界都有好大嘅影響。

1971年佢響紐約組織咗「求助孟加拉慈善音樂會」，佢對印度禪學嘅理解同參透，佢嘅精神同思想喺呢次音樂會中體現，同佢加入咗東方色彩嘅音樂對西方人產生深遠嘅影響。

除此之外佢重係英國六人喜劇團體「踎低噴飯」（Monty Python）嘅電影製作人同超級樂隊The Traveling Wilburys嘅成員。

2001年 11月29號下晝佐治夏里遜響洛杉磯友人屋企過世，終年58歲。

個人錄音專輯