Agata Sycylijskŏ
 |
Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
| Agata Sycylijskŏ | |
| |
| Data narodzyniŏ | kol. 235 |
| Data śmierci | 5 lutygo 251 |
| Ôbywatelstwo | rzimske |
Agata Sycylijskŏ (ur. kol. 235, zm. 5 lutygo 251) — dziewica i mynczynnica, świyntŏ krześcijōńskŏ. Patrōnka Sycylije, Katanii, San Marino, Palermo, niymocnych na raka piersi, ciyrpistōw.
Żywot
[edytuj | edytuj zdrzōdło]Pochodziyła ze szlacheckij familije z Katanii na Sycylyji. Po przijyńciu krztu postanowiyła żyć w dziewictwie. Wyrōżniała sie wielkōm krŏsōm, tak iże ô jeji zglyndy zabiygoł byamter Kwincyjan. Świyntŏ ôdciepła jego propozycyjõ, czym wywołała u rzimskigo byamtra i chyńć pōmsty.
Kej za cysŏrza Decjusza prziszły prześladowania krześcijanōw, Agata ôstała uwiynziōnŏ. Kwincyjan, bez chcynie jã zniesławić, ôddoł jã pod flyjgã pewnyj rozpustnyj kobiycie mianym Afrodyssa. Kedy jednak jego zamiary niy zadziałały, skŏzoł Agatã na tortury, co w czasie nij ôdetniynto było jeji piersi.
W tym czasie miasto tykło trzyńsiynie ziymie, co w czasie nij zginyło moc poganōw. Bez widzynie w tym kŏrã Bożõ, Kwincyjan rozkŏzoł ustŏć tortur. A dyć Agata umartŏ ôd zadanych jeji ran. Inkszŏ wersyjŏ jeji śmierci podŏwŏ, iże umartŏ ciepniyntŏ na gorke wōngle. Miało to przijś 5 lutego 251 roku.
Bibliografijŏ
[edytuj | edytuj zdrzōdło]- Jarosław Charkiewicz: Męczennica Agata. Cerkiew.pl.