Raili Pietilä
.jpg)
Raili Inkeri Marjatta Pietilä (j.s. Paatelainen; 15. porgemáánu 1926 Pieksämäki, Suomâ – 16. vyesimáánu 2021 Helsig, Suomâ) lâi syemmilâš arkkiteht.[1]
Eellim
[mute | mute käldee]Raili Inkeri Marjatta Paatelainen šoodâi porgemáánu 15. peeivi 1926 Pieksämäkist. Suu eeči lâi Kaapro Paatelainen já suu enni Saima Kumpulainen.[2]
Ive 1946 Raili Paatelainen čaalij pajeuáppen.[1] Sun algâttij vistig Helsig ollâopâttuvvâst, kost sun luuvâi el. matematiik. Ive 1956 sun valmâštui arkkitehtin Teknisii ollâškoovlâst.[3] Škoovlâ lasseen Paatelainen poorgâi siämmást rakânâshaldâttuvvâst (suomâkielân rakennushallitus) já iivij 1949–1951 Olli Kivisii toimâttuvvâst.
Karrieer
[mute | mute käldee]Valmâštum maŋa sun poorgâi uđđâsist Kivisii toimâttuvvâst iivij 1959–1960 já siämmást meid Olaf Küttner toimâttuvvâst.[1] Ive 1960 Paatelainen sirdâšui porgâđ Reima Pietilä ive 1957 vuáđudem toimâttâhân.[3] Forgâ tastmaŋa toimâttuv nommâ muttui, já uđđâ nommân šoodâi Arkkitehtitoimisto Reima Pietilä - Raili Paatelainen.[3]
Raili já Reima Pietilä naajáin ive 1963, mut eidu ive 1975 toimâttuv nommân šoodâi Arkkitehtitoimisto Raili & Reima Pietilä.[1][3]
Koveh vuávámpargoin
[mute | mute käldee]-
-
-
Hervanta kirkko Tamperest -
-
-
.jpg)
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Raili Pietilä.
Käldeeh
[mute | mute käldee]- ↑ 1,0 1,1 1,2 1,3 Raili Pietilä Arkkitehtuurmuseo. Čujottum 16.6.2022. (suomâkielân)
- ↑ Pietilä, Reima Frans Ilmari. Kuka kukin on 1978. Čujottum 3.10.2021 (suomâkielân)
- ↑ 3,0 3,1 3,2 3,3 Keinänen, Timo: Pietilä, Reima (1923 - 1993) Kansallisbiografia. 16.9.1997. Čujottum 3.10.2021. (suomâkielân)
