Հայրապետ Ղուկասյանց

Հայրապետ Ղուկասյանց;
Ծնվել է	1845
Ծննդավայր	Շամախի, Կասպիական մարզ, Ռուսական կայսրություն
Մահացել է	1920
Մահվան վայր	Բաքու, Բաքվի գավառ
Քաղաքացիություն	Ռուսական կայսրություն
Մասնագիտություն	ուսուցիչ, հրապարակախոս և հասարակական գործիչ
Աշխատավայր	Գայանյան օրիորդաց դպրոց, Մարիամյան օրիորդաց դպրոց, Հռիփսիմյան օրիորդաց դպրոց, Մեսրոպյան վարժարան և Գևորգյան հոգևոր ճեմարան

Հայրապետ Ղուկասյանց (ծածկանունը՝ Դարևգին), 1845^[1], Շամախի, Կասպիական մարզ, Ռուսական կայսրություն^[1] - 1920^[1], Բաքու, Բաքվի գավառ^[1]), հայ մանկավարժ, հրապարակախոս, հասարակական գործիչ։

Կենսագրություն

1867 թվականին ավարտել է Շամախու հայոց հոգևոր, ապա՝ տեղի քաղաքային դպրոցները։ Աշխատել է որպես ուսուցիչ և տեսուչ Շամախու հոգևոր, Արղության-Սահականուշյան (Ալեքսանդրապոլ), Թիֆլիսի Գայանյան, Մարիամյան Թիֆլիս, Բաքվի Հռիփսիմյան, Մեսրոպյան դպրոցներում և Գևորգյան ճեմարանում։ Հայկական դպրոցների փակվելուց հետո (1896) ձեռնադրվել է քահանա՝ Գարեգին անվամբ։

Հեղինակ է «Դասագիրք ընթերցանության Հայոց դպրոցների համար» (վերահրատարակվել է հինգ անգամ), «Ընդհանուր պատմություն» (1880), «համառոտ հայացք մայրենի լեզվի ուսման վրա» (1874), «Տասնամյակ Սահականուշյան օրիորդաց ուսումնարանին հայոց Ալեքսանդրապոլա» (1883), «Քերականութիուն գրաբար լեզոլի Հայոց ի պետս նորավարժից» (1884) և այլն աշխատությունների, թարգմանել է Ա․ Դիստերվեգի «Հիմնական դիդակտիկական կանոններ» (1880), «Եղիշեի պատմությունը Վարդանի և հայոց պատերազմի համար» (աշխարհաբար, 1891) և այլն գործեր։

Երկեր

«Դասագիրք ընթերցանության Հայոց դպրոցների համար» (վերահրատարակվել է հինգ անգամ)։
«Ընդհանուր պատմություն» (1880)։
«Համառոտ հայացք մայրենի լեզվի ուսման վրա» (1874)։
«Տասնամյակ Սահականուշյան օրիորդաց ուսումնարանին հայոց Ալեքսանդրապոլա» (1883)։
«Քերականութիւն գրաբար լեզուի Հայոց ի պէտս նորավարժից» (1884)։
Թարգմանել է Ա․ Դիստերվեգի «Հիմնական դիդակտիկական կանոններ» (1880)։
«Եղիշեի պատմությունը Վարդանի և հայոց պատերազմի համար» (աշխարհաբար, 1891)։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 54)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[1]