Jurij Wanak
Jurij Wanak (němsce Georg Wannack abo George Warnack; * 27. apryla 1764 w Chelnje, † 2. septembra 1837 w Njeswačidle) bě serbski wučer a přełožowar.
Narodźi so jako syn bura a bu wot 1781 do 1787 na Wulkowjelkowskim wučerskim seminarje pola Michała Haupta wukubłany. Připódla dźěłaše hižo jako pomocny wučer w tamnišej šuli. W lěće 1787 přewza město wučerja w Njeswačidle, hdźež hač do swojeje smjerće w lěće 1837 wosta.
Wanak słušeše do teje generacije serbskich wučerjow, kotraž so kubłaše na wučerskich wustawach, wot zemjanow pod wliwom rozswětlerstwa załoženych. Wón je dwě knižce do serbšćiny přełožił.
Wón bě nan ewangelskeho fararja a spisowaćela Jurja Arnošta Wanaka.
Wozjewjeni
[wobdźěłać | žórłowy tekst wobdźěłać]- Krasny puć Boži z tymi čłowjekami na zemi prjedy Krystusoweho naroda. Budyšin, 1797.
- Krótka powěsć wot teho žiwjenja a smjerće knjeza Jana Gottloba Contiusa. Budyšin, 1797.
Žórło
[wobdźěłać | žórłowy tekst wobdźěłać]- Marja Kubašec: Wanak, Jurij. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 591