Gustave Eiffel

Gustave Eiffel
	;
Biografía
Nacemento	(fr) Alexandre Gustave Bonickhausen dit Eiffel ; 15 de decembro de 1832 ; Dijon, Francia
Morte	27 de decembro de 1923 (91 anos); París, Francia
Lugar de sepultura	Cemitério de Levallois-Perret (pt)
Presidente Société des ingénieurs civils de France (en)
	xaneiro de 1889 – decembro de 1889
Datos persoais
Residencia	rue Rabelais (en) ; place d'Iéna (en)
Educación	École Centrale de Paris (pt) ; Collège Sainte-Barbe
Actividade
Campo de traballo	Deseño urbano, arquitectura, steel building (en) e aerodynamics engineering (en)
Ocupación	enxeñeiro civil, enxeñeiro, Mestre de obras, emprendedor, arquitecto, Enxeñeiro de aviación
Período de actividade	1855 -
Membro de	Société d'encouragement pour l'industrie nationale (en)
Alumnos	Henry Lepaute (pt) e François Rigolet (en)
Compañeiro profesional	Théophile Seyrig (pt) (1869–1879)
Obra
	Obras destacables (1876) Ponte de D. Maria Pia (pt) ; (1879) ponte metálica sobre o Adour; (1884) Estatua da Liberdade; (1884) Garabit Viaduct (en) ; (1889) Torre Eiffel ;
Familia
Cónxuxe	Marguerite Gaudelet
Parentes	Tullie Moneuse, tía
Premios
	(1913) Medalla de ouro Langley; (1912) Fourneyron prize (en) ; (2 de abril de 1889) Oficial da Lexión de Honra; (1 de maio de 1878) Cabaleiro da Lexión de Honra ;
	Sinatura
Descrito pola fonte	Enciclopedia soviética armenia; Pequeno Dicionario Enciclopédico de Brockhaus e Efron; Dicionario Enciclopédico Brockhaus e Efron

Alexandre Gustave Eiffel, nado o 15 de decembro de 1832 en Dijon e finado o 27 de decembro de 1923 en París, foi un enxeñeiro francés, especialista en estruturas metálicas. O apelido Eiffel foi adoptado por un dos seus antepasados a principios do século XVIII, tomado do seu lugar de nacemento: Marmagen, na rexión de Eifel, xa que en francés non se podía pronunciar o seu verdadeiro nome: Alessandre Gustaf Bönickhausen.

Traxectoria

Non puido ingresar na "École Polytechnique" francesa, polo que acabou graduándose como enxeñeiro químico en 1855. Pouco despois empezou a traballar nunha empresa de equipos para ferrocarrís.

En 1867 funda a consultora e construtora Eiffel et Cie. que adquiriu un gran prestixio internacional no uso do ferro, construíndo centos de importantes estruturas (pontes, guindastres, estacións etc.).

Coa axuda do enxeñeiro belga Téophile Seyrig, adxudicouse unha poxa internacional para deseñar e construír un viaduto de 160 metros de luz sobre o río Douro, entre Porto e Vila Nova de Gaia, Portugal. A súa proposta usaba o "método de forzas", unha técnica de deseñar estruturas nova por aquel entón creada por Maxwell en 1846. A Ponte Maria Pia está constituída por un dobre arco que sostén a vía única de ferrocarril por medio de alicerces que reforzan toda a ponte. A construción foi bastante rápida e estivo concluída en menos de dous anos (5 de xaneiro de 1876 - 4 de novembro de 1877). Foi inaugurada polo rei Lois I e a raíña María Pía. A ponte utilizouse ata 1991 (114 anos) cando se substituíu pola nova ponte de São João. Un deseño do enxeñeiro Edgar Cardoso.

Tamén construíu o viaduto de Garabit en Truyère, que tivo o arco de maior luz da súa época (165 m).

Torre Eiffel

Artigo principal: Torre Eiffel.

A súa construción máis famosa é a Torre Eiffel. Construída entre os anos 1887 e 1889 para a Exposición Universal de 1889 en París, Francia. Non é tan sabido que el deseñou a estrutura interna da Estatua da Liberdade de Nova York. Adquiriu experiencia na construción deseñando pontes de ferro.

Gustave Eiffel tamén deseñou La Ruche en París, que se convertería, do mesmo xeito que a Torre Eiffel, nun punto de referencia da cidade. Unha estrutura circular de tres pisos que parece unha "colmea". Creouse como unha construción temporal para a Grande Exposición de 1900.

A reputación de Eiffel sufriu un duro revés cando se viu implicado en escándalos financeiros ao redor de Ferdinand de Lesseps. Foi declarado culpable pero el non tiña nada que ver, polo que o seu xuízo foi revisado.

Últimos anos

Nos seus últimos anos empezou a estudar aerodinámica.

Eiffel morreu o 27 de decembro de 1923, á idade de 91 anos, na súa mansión da Rue Rabelais de París e foi enterrado no cemiterio de Levallois-Perret, na mesma localidade.

Obras máis importantes

Torre Eiffel (París).
Viaduto María Pía (Portugal).
Estatua da Liberdade (Nova York, EEUU).
Ponte de Bordeos (Francia).