Berberecho

Berberecho
Clasificación científica
Reino: Animalia Filo: Mollusca Clase: Bivalvia Orde: Veneroida Familia: Cardiidae Xénero: Cerastoderma Especie: C. edule
Nome binomial
'Cerastoderma edule' (Linnaeus, 1758)
Sinonimia
Cardium belgicum De Malzine, 1867 Cardium crenulatum Lamarck, 1819 Cardium edule Linnaeus, 1758 Cardium edule burchanae Girscher, 1938 Cardium edule var. batesoni Bucquoy, Dautzenberg & Dollfus, 1892 Cardium edule var. loppensi Mars, 1951 Cardium edule var. major Bucquoy, Dautzenberg & Dollfus, 1892 Cardium mercatorium Coen, 1915 Cardium nunninkae Lucas, 1984 Cardium obtritum Locard, 1886 Cardium quadrarium Reeve, 1845 Cardium vulgare Da Costa, 1778 Cerastoderma edule var. sinicola Lacourt, 1974 Cerastoderma nunninkae Lucas, 1984

O berberecho, croque, crica, birbiricho ou chícaro é un molusco da familia dos cardiidae, de nome científico Cerastoderma edule (Linné, 1758). Non se recoñecen subespecies.

Ten as valvas de xeito case circular, posuíndo entre 22 e 28 costelas ben marcadas. Vive soterrado en fondos lamacentos de area fina, próximo á superficie e preto da costa.

Etimoloxía

O termo galego berberecho provén do grego: βέρβερι, ostra das perlas.

Descrición

A cuncha do berberecho común é de cor branca amarelenta, habitualmente con liñas escuras e presenta de 22 a 28 costelas radiais moi pronunciadas, ásperas e largas, as cales se encontran cruzadas por raias concéntricas e espiñas escamosas. A súa forma é globosa, case triangular e pode chegar a alcanzar os 6 cm.

Distribución e hábitat

Atópase amplamente estendido polo océano Atlántico, desde o mar de Barents e o mar Báltico ao longo da costa atlántica europea até Mauritania, en África occidental, así como no mar Mediterráneo suroccidental, onde é considerado como raro. Encóntrase en fondos cenagosos, areosos e de grava, habitualmente baixo a superficie do fondo.

Comportamento

Reprodúcese por medio de larvas peláxicas, e a diferenza doutras especies da súa familia, é unisexual. No mar do Norte encóntrase xunto ao berberecho verde (Cerastoderma glaucum), pero non se rexistrou hibridación, debido posiblemente á incompatibilidade entre os gametos de ambas especies.

Os berberechos comúns son capaces de dar saltos, apoiándose co seu pé no fondo e estricándoo de golpe poden saír proxectados até medio metro de distancia.

Festas gastronómicas

• Festa do Mexillón e do Berberecho, en Vilanova de Arousa (2º domingo de agosto)

Véxase tamén

Outros artigos

• Lista de bivalvos de Galicia

Ligazóns externas

• Ficha en pescaderiascorunesas.es (en castelán)