Алена Іванаўна Малахавец
| Алена Іванаўна Малахавец | |
|---|---|
| руск.: Елена Ивановна Молоховец | |
| Асабістыя звесткі | |
| Імя пры нараджэнні | руск.: Елена Ивановна Бурман |
| Дата нараджэння | 28 красавіка (10 мая) 1831[1] ці 10 мая 1831[1] |
| Месца нараджэння | |
| Дата смерці | 12 лістапада 1918 (87 гадоў) ці снежань 1918[1] (87 гадоў) |
| Месца смерці | |
| Грамадзянства | |
| Альма-матар |
|
| Прафесійная дзейнасць | |
| Род дзейнасці | пісьменніца, cookbook writer |
| Мова твораў | руская |
 Медыяфайлы на Вікісховішчы | |
Алена Іванаўна Малахавец у дзявоцтве Бурман (руск.: Елена Ивановна Молоховец; 28 красавіка (10 мая) 1831, Архангельск — 1918, Петраград) — аўтар папулярнага кулінарнага даведніка.
Біяграфія
[правіць | правіць зыходнік]Нарадзілася ў сям’і начальніка архангельскай мытні. Рана асірацела, з пратэкцыі бабулі, якая ўзяла на сябе ўсе выдаткі, 14-гадовая Алена залічаная ў Смольны інстытут для высакародных дзеўчын ў Санкт-Пецярбургу. Скончыла інстытут у 1848 г. з добрымі адзнакамі. Тры гады поўнай ізаляцыі ад знешняга свету, магчыма, прычыніліся да душэўнага неспакою А. Малахавец у будучыні.
У хуткім часе па вяртанні ў Архангельск, выйшла замуж за галоўнага архітэктара горада Франца Францавіча Малахаўца, які быў старэйшы за яе на 11 гадоў. Затым архітэктар Малахавец праведзены на службу ў Курск. У Курску у 1861 г. А. Малахавец выдала сваю самую вядомую кнігу — кулінарную энцыклапедыю «Падарунак маладым гаспадыням, ці сродак да памяншэння выдаткаў у хатняй гаспадарцы» (Подарокъ Молодымъ хозяйкамъ или Средство къ уменьшенію расходовъ Въ домашнемъ хозяйствѣ). Праз 5 гадоў кніга была перавыданая, а агулам да 1917 году кніга вытрымала 29 перавыданняў, зараз зноў выдаецца ў Расіі.
У гады руска-турэцкай вайны А. Малахавец захапілася містыцызмам і пачала складаць павучальныя творы з развагамі пра рэлігію і містыку — «Манархізм, нацыяналізм і праваслаўе», «Кароткая гісторыя домабудаўніцтва Сусвету», «Таямніца гора і смут нашага часу і якар выратавання для тых, хто замахваецца на бязвер’е, забойства, самагубства і крайнюю амаральнасць».
Пахавана 15 снежня 1918 г. у Петраградзе.
Фактычна адзіным бібліёграфам Е. І. Малахавец з’яўляецца галандскі славіст Эхберт Хартман.[2]
Зноскі
- ↑ а б в Молоховец Елена Ивановна // Литераторы Санкт-Петербурга. ХХ век / под ред. О. В. Богданова
- ↑ Филиппова Т. Слово редактора…
Литература
[правіць | правіць зыходнік]- Филиппова Т. Слово редактора: «Кухня есть дело общечеловеческое» // «Библиотечное дело» № 05(95), 2009;
- Хартман Э. Елена Ивановна Молоховец / Перев. с голладск. А. Ф. Смирновой // «Звезда» № 3, 2000.