Dusi-kanowedvaart

Deel van die Msunduzi-rivier, waar geroei woord.

Die Dusi-kanowedvaart (die Dusi) tussen Pietermaritzburg en Durban is die belangrikste kompetisie vir kanowedvaarders in Suid-Afrika. Die Dusi vind op die Msunduzi-rivier plaas, wat ook bekend is as die Dusirivier.

Die ontstaan van die Dusi

Die eerste kanovaarders wat die Msunduzirivier met 'n kano aangepak het was William Foley en Paul Marianny, beide van Pietermaritzburg. Hulle het hul eindbestemming in 1893 binne sewe dae bereik.

Die eerste Dusi het op 22 Desember 1951 plaasgevind. Anders as die huidige kompetisie, is daar in die eerste Dusi ononderbroke geroei totdat die eindbestemming bereik is. Slegs agt deelnemers het die eerste Dusi aangedurf, naamlik Ian Player, Miles Brokensha, Ernie Pearce, John Naude, Basil Halford, Willie Potgieter, Fred Schmidt en Denis Vorster. Slegs Ian Player het die Dusi in 'n tyd van ses dae voltooi. Dit was ten spyte daarvan dat 'n nagadder hom vroeër gebyt het. Sy kano was gemaak van hout en borduurgaas en het 30 kilogram geweeg. Dit het natuurlik al sy voorraad vir die tog ingesluit.

Vervolgens is die resies vir nog drie jaar ononderbroke aangebied, maar in 1956 is besluit om die resies oor drie dae te hou, aangesien dit te gevaarlik is om gedurende die aand te roei. Teen 1955 het die wentyd al verminder na 1 dag, 3 ure en 28 minute.

In 1997 is die Ononderbroke Dusi heringestel, maar as 'n aparte resies. Dit word net 'n paar weke in Februarie na die meer bekende en gewilde Dusi in Januarie gehou. Minder as 100 deelnemers skryf hiervoor in.

Feite omtrent die Dusi

Die huidige Dusi word oor drie dae gehou, elkeen met 'n begin en 'n eindpunt. Die totale afstand is ongeveer 120 km.
Die twee borge vir die resies, Hansa en Powerade, het veroorsaak dat die amptelike naam die Hansa Powerade Dusi is.
Deelnemers kan enkel of dubbel roeiers inspan en 'n K1 (enkel) of 'n K2 (dubbel) kano gebruik. Elke jaar wissel die organiseerders die resies amptelik tot 'n K1 of K2 resies. Indien dit 'n K1 resies is, is K2 kanoes steeds welkom, maar kan nie in aanmerking kom vir die wenposisie nie.
Die “kano” is eintlik 'n kayak, aangesien 'n kano 'n breër bodem as 'n kayak het.
Die huidige rekord vir die Dusi is agt ure oor die tydperk van drie dae.
Watervlakke maak dit soms moeilik om oral te roei, lang ente moet soms te voet met die kano op die deelnemer se rug, afgelê word.
Graeme Pope-Ellis het die Dusi reeds 15 gewen, meer as enige ander manlike deelnemer. Martin Dreyer het al 7 keer gewen.
Marlene Boshoff het die Dusi ook 15 keer gewen, die meeste vir enige vrou. Abbey Ulansky (Miedema) het die Dusi 8 keer gewen.
Andy Stott hou die rekord vir die vinnigste K1 wen in 8 uur 3 minute en 22 sekondes in 2007. Martin Dreyer en Michael Mbanjwa hou die K2 rekord, naamlik 7 uur 33 minute en 24 sekondes.
Abbey Miedema hou die vroue rekord vir die vinnigste K1 rekord in 2007, met 'n tyd van 9:25:36, terwyl sy (as Abbey Ulansky en Robyn Kime die K2 rekord van 08:41:59:03 hou.
Martin Dreyer en Michael Mbanjwa hou die rekord van 7:47:40 vir die Ononderbroke Dusi, wat hulle in 2007 opgestel het.

Onlangse Wenners

Ian Player was die eerste wenner van die Dusi in 1951, en sedertdien het 'n mans en vroue resies ontstaan. Graeme Pope-Ellis het die Dusi 'n rekord 15 keer gewen. Die 2012 K1 mans wenner was Andrew Birkett en Jason Grahm, met Abbey Ulansky (Miedema) en Robyn Kime die vroue kampioene. In 2013 het broer en suster, Lance & Robyn Kime die K1 mans en vroue wedvaart gewen.

Mans Wenners

2020 Andrew Birkett/Khumbulani Nzimande
2019 Andrew Birkett
2018 Andrew Birkett/Hank McGregor
2017 Andrew Birkett
2016 Andrew Birkett/Lance Kime
2015 Andrew Birkett
2014 Andrew Birkett/Sibonelo Zondi
2013 Lance Kime
2012 Andrew Birkett/Jason Graham
2011 Andrew Birkett
2010 Andrew Birkett/Jason Graham
2009 Ant Stott
2008 Martin Dreyer/Michael Mbandjwa
2007 Ant Stott
2006 Hank McGregor/Martin Dreyer
2005 Hank McGregor
2004 Martin Dreyer/Ant Stott
2003 Martin Dreyer
2002 Martin Dreyer/Deon Bruss
2001 Len Jenkins
2000 Martin Dreyer/Mark Perrow
1999 Martin Dreyer
1998 Ant Stott/Kelby Murray
1997 Mark Perrow
1996 Nic Evans/Mark Perrow
1995 K White

Vroue Wenners

2020 Tamika Haw/Bianca Haw
2019 C Mackenzie
2018 J Peek/C Peek
2017 A Solms
2016 A Solms/A Adamova
2015 LO Donoghue
2014 Abbey Ulansky/Robyn Kime
2013 Robyn Kime
2012 Abbey Ulansky (neé Miedema)/Robyn Kime
2011 Robyn Kime
2010 Abbey Miedema/Robyn Kime
2009 Abbey Miedema
2008 Abbey Miedema/Alexa Lombard
2007 Abbey Miedema
2006 Abbey Miedema/Alexa Lombard
2005 Abbey Miedema
2004 Alexa Lombard/Donia Kamstra
2003 Abbey Miedema
2002 Jeanette Walder/Antje Manfroni
2001 Antje Manfroni
2000 Wendy White/Debbie Germique
1999 Debby Whitton
1998 Wendy White/Debbie Whitton
1997 Wendy White
1996 Wendy White/Debbie Germique

Ononderbroke Dusi

2013 Andrew Birkett/Sibonelo Zondi
2012 Lance Kime/Kwanda Mhlope
2011 Michael (Thulani) Mbanjwa/Sibonelo Zondi
2010 Thomas Ngidi/Sibonelo Zondi
2009 Piers Cruikshanks/Michael Mbanjwa
2008 Martin Dreyer/Michael Mbanjwa
2007 Martin Dreyer/Michael Mbanjwa
2006 Graham Bird/Stu Rawlinson
2005 Martin Dreyer/Graig Turton
2004 Martin Dreyer/Rory Cole
2003 Deon Bruss/Scott Maynard
2003 Martin Dryer/Rory Cole
2002 Martin Dryer/Rory Cole
2001 Martin Dryer/Rory Cole
2000 John/Andrew Edmonds
1999 Martin Dryer/Gavin Tarr
1998 Kevin White/James Leslie
1997 John/Andrew Edmonds

Eksterne skakels