79歲陳惠敏談患腦癌細節！病發暈倒後確診感害怕：點解老咗會變成咁呢？
發佈時間：14:50 2024-05-15
現年79歲的武打影星陳惠敏在2020年中風兼患有肺癌，幸好他及早發現，經過治療後已戰勝病魔，康復情況理想。不過近年在網上流傳陳惠敏駝背撐拐杖的相片，再度惹來外界對他健康的揣測。近日陳惠敏接受資深傳媒人汪曼玲的訪問，陳惠敏自爆3年前曾患上腦癌！
相關閱讀：陳惠敏中氣十足為太太慶祝生日 相伴半世紀註冊給予名份讚老婆夠包容
陳惠敏自爆3年前曾患上腦癌：
陳惠敏3年前曾患腦癌
陳惠敏近日接受資深傳媒人汪曼玲的YouTube節目訪問，即將80歲的陳惠敏，在訪問上見他中氣十足，誰會想到3年前又曾患上腦癌，陳惠敏說：「我3年前因為cancer令身體弱咗好多，我而家醫返好，冇事㗎喇，但係最近呢半年又輪到對腳，我而家兩邊腳都換咗髖關節，換咗幾個月，因為行路平衡唔係咁好，所以行路都拎拐杖就下啲力。」重提當日發現患癌的經過，陳惠敏說：「有一輪我喺屋企落梯都覺得有啲暈暈哋，成日覺得有啲唔妥，點知有一次落樓梯之後，突然成個人暈咗，之後咪去醫院檢查，檢查完之後，發現個腦有粒好似綠豆咁大嘅嘢，影響咗成個人，有時候會覺得好唔清醒。」
陳惠敏花7位數字醫癌
陳惠敏很感激遇上一個醫癌的醫生，當時連化療和電療都不用做，他說：「醫生話1000個人都冇一個好似我咁，因為我運動底子好，我剩係打針同食藥，連標靶都唔使做，只係每20日返去醫生度吊針，吊咗差唔多一年，每吊一次都要7、8萬，都用咗好多錢，用咗百幾萬，不過而家健康好番，冇乜大礙。」不過近半年又輪到腳出現問題：「可能我後生打架多，又練武，搞到對腳嘅軟骨冇咗，行路非常之痛，最近幾個月就做咗一個髖關節手術，換咗一個金屬落去。」
陳惠敏昔日電影劇照：
陳惠敏獲悉患癌一刻覺得害怕
當日陳惠敏獲悉患癌一刻，當然覺得有點害怕，他說：「話唔驚就假，係人都怕死，點會諗到個腦會有cancer？嗰陣係好嚴重，成日暈，睇嘢又睇唔清楚，因為係喺右邊個腦發現，影響咗左邊嘅身體，所以我而家都有少少唔係咁靈敏，仲有啲痺，仲試過冇乜力。」幸好當時有家人的支持，陳惠敏說：「嗰陣辛苦我太太，仲有自己都諗唔到，後生嗰陣咁強壯，講句牙擦啲，真係打勻東南亞，點解老咗會變成咁呢？冇辦法，年紀大，年齡控制住你嘅機能，我都就嚟80歲，醫生都話好好，腦癌咁嚴重都醫返好，算係一個奇蹟。」
其他文章：
大馬拿督封街筵開600席娶新抱！香港群星現身 80歲陳惠敏戰勝癌魔上台唱歌
79歲陳惠敏雙頰凹陷駝背撐拐杖現身飯局 驚見左手姿勢怪異網民憂心健康狀況
---------------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
