東張西望丨何伯內地妻鏡頭前後語氣大不同？激動插嘴糾正老公用詞引熱議

更新時間：13:05 2024-05-07
發佈時間：13:05 2024-05-07

TVB節目《東張西望》連日來報道喪妻9年的76歲老翁「何伯」與年輕逾30年、有18歲兒子的內地女士後閃婚，惹來五名子女不滿，何伯細女更調走聯名戶口中的450萬元，結果令一家人反目。事件曝光後，惹來全城熱議，網民幾乎一面倒力撐子女，而且更逐一拆解新婚妻的話，直言：「連用詞都諗過度過！」

東張西望丨何伯內地妻鏡頭前後語氣大不同？

在昨晚（6日）播出的《東張西望》繼續跟進事件，何伯表示近來曾多次致電給子女都沒有人接聽，甚至連染上新冠肺炎，五子女都不聞不問，但轉個頭何伯指大女曾在凌晨12時至清晨5時無間斷打50次電話給他，甚至用訊息出言侮辱：「我親愛的父親，你死咗未？咁耐都唔覆電話。」新婚妻更表示被老公的子女辱罵：「佢哋搏命鬧我，鬧到我都怕咗，都唔敢再聽佢哋電話啦！佢哋鬧我『姣X』、『臭X』、『大陸X』，仲有死八婆咁囉！我即刻Cut線就算，我一句都冇出聲。」

主持與何伯對話成焦點

其後主持人魏柏豪陪同何伯和新婚妻主動找仔女，可惜原本同住的二仔家中已經換鎖，到細女醫院求見不成，最後細女更表示要報警，拒絕與爸爸溝通，亦試過打電話給細女老公被對方用粗口「回敬」。雖然新婚妻多次在鏡頭前激動痛哭，深情地聲稱承擔照顧何伯的責任：「我有一啖飯食，佢就有，我唔會畀佢餓親。生意失敗嘅話，我都會打工養佢，佢唔使憂。」何伯亦被感動到大讚老婆：「證明我冇娶錯呢個老婆啦！」但網民的焦點落在主持魏柏豪和何伯的一段對話上！

東張西望丨何伯讚自己「冇娶錯呢個老婆啦」?

新婚妻激動插嘴引網民討論

主持魏柏豪問到何伯當初為何與細女開聯名戶口，何伯說：「我都幾十歲，希望我走咗之後，佢可以繼承得到。」殊不知未有上鏡的新婚妻在鏡頭後激動插嘴：「係處理得到，你唔好講承繼，唔係佢承繼呀嘛，你用詞用好啲，好唔好？」說話語氣相當有威嚴，令人覺得有主導感覺，何伯亦尷尬地說：「得喇得喇！」節目播出後，又有網民在討論區留言，討論新婚妻的行徑，指她鏡頭後小鳥依人感全失，更有網民說：「大山婆連用詞都諗過度過，分分鐘同人研究過上庭嘅嘢野對啲錢緊張到咁！」、「睇晒兩集就見到個大陸婆一講錢同銀行對話個腦幾清醒，分明日諗夜諗，日追夜追。」、「仲要吓吓搶住嚟講，係咁講啲仔女幾衰幾無孝道，直頭搶住答！」

網民力撐細女做法正確

其後還有網民將新婚妻的說話重點列出來：「1. 主持：『問個100萬拎出來係想做咩？』，阿伯：『er 我想佢…』大山婆搶住講：『做飲食，香港做飲食有前途』。2. 去銀行對質，銀行：『我哋check過跟足程序』阿伯：『冇理由唔通知我』大山婆又搶住講：『你錯呀你錯呀！』」更有人說：「司馬昭之心得個X老睇唔到，而家全香港都識個X老。」甚至還有人對新婚妻的「行頭」比併：「剩係啲行頭，唔計手袋，我計最低個數都36萬8200，咁都申請到公屋？香港人排十年都未有啦何太，仲想咬埋個450萬，好大貪啫！」當然亦有人留言覺得細女貪錢，但有網民加力撐：「如果係貪錢，做咩個戶口開咗成廿年，等阿伯逐啲逐啲洗減一截，而家先拎錢走？早十年拎咪得囉，係嗎？反正單簽就可以拎走晒，唯一原因就係睇隻XX婆唔過眼嘅啫。」

其他文章：

東張西望丨76歲老翁搭上43歲內地婦火速再婚與五子女反目450萬存款不翼而飛？

東張西望丨76歲老翁為43歲內地妻與子女反目成熱話網民熱評李龍基慘被拖落水

東張西望丨八旬老翁沉迷按摩遭兩子斷絕關係疑被34歲骨妹騙2百萬公開露骨訊息

------------------------------

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow