杜德偉20年後重聚林志穎好感動 恨紅館開騷呻極難排期 李幸倪梁釗峰籲行善助人
發佈時間：13:50 2024-03-20
杜德偉（Alex）、Gin Lee（李幸倪）及梁釗峰昨晚（19日）為《若然世界沒忽略2024》慈善音樂會擔任表演嘉賓，梁釗峰打頭陣獻唱《遺憾與遺憾的一切》及《28天》，之後杜德偉接棒唱出《擦身情緣》、《Because I Love You》、《無心傷害》等經典金曲，首次在西九文化區戲曲中心大劇院演出的他大感新鮮：「多謝邀請我出席一個咁有意義嘅音樂會。我相信生命影響生命，呢個音樂會除咗做慈善工作外，最緊要係想傳達一個訊息，就係人人都可以做施惠者嗰個。」
相關閱讀：博愛歡樂傳萬家丨42歲陳自瑤眼紋大噴發膚質大輸50歲陳煒 杜德偉打頭陣演唱竟甩碌
《若然世界沒忽略2024》慈善音樂演出：
提及早前貼出與林志穎20年後重聚的合照，杜德偉感性道：「我與林志穎在90年代初已結下不解之緣，是很好的朋友，當年到台灣時都會帶我到處遊玩食嘢，經常見面。後來大家各有各忙，好耐無見，上次再見面，係講不出的好感動，真係唔只十年，係廿年人事幾番新，感覺仍是當年的好兄弟、好朋友，咁多年友誼在心中不變。」剛完成台灣巡唱的他，又透露正密鑼緊鼓準備內地巡演，問到何時回港開騷？杜德偉說：「我都好想在香港開演唱會，更希望能在紅館開，因為那地方是香港較具代表性的表演場地，可惜好難排期。」
李幸倪望集結粉絲力量行善
此外，當晚壓軸出場的李幸倪接連獻唱《很堅強》、《哭泣健康指南》、《天變地變情不變》等，將全晚氣氛推至高峰，她希望集結粉絲的力量一齊做慈善工作：「我最想幫助救助寵物嘅慈善機構、保護兒童及照顧情緒健康嘅工作，因為我知道當佢哋喺最有需要嘅時候，有人伸出援手，即使唔係幫好大忙，但至少話畀佢哋知，有人明白你哋，你哋無被呢個世界忽略、遺棄，咁都會對佢哋有好大幫忙。」
梁釗峰開心重聚靈實老友記
至於梁釗峰是第二次參與該慈善音樂會，他表示最開心能重遇靈實一班老友記，「經歷過三年疫情，有啲老友記走咗，有啲同屋企人移咗民，有好多朋友都各自面對自己的生活上困境，但今晚我見到佢哋齊齊整整一齊企喺度唱歌，好感動。因為大家都生活得好好，我們沒被忽略也無忽略到身邊有任何需要嘅人，我哋任何一個人都可以施予幸福畀人，不論係畀多與少。」
其他文章：
杜德偉6歲囝囝甩牙仔「中門大開」萌爆 父子捉緊暑假尾巴水上激戰
杜德偉演唱會丨除褲唱《脫掉》囝囝high爆跟住跳 入行近40年終無年齡恐懼
中年好聲音2丨65歲杜德智百老匯式演唱 獲細佬杜德偉指點要除衫騷肌？
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
