新婚女星獲老公炮製情人節大餐！竟被嘲餸菜少 前港男：乜而家啲菜好貴咩？
發佈時間：16:30 2024-02-15
37歲陳家樂去年4月與連詩雅結婚，昨日（14日）是他們首個婚後的情人節，一向「計仔」多多的陳家樂，為連詩雅炮製情人節晚餐，三餸配汽水，每碟餸都花盡心思。陳家樂在IG表示，「煮飯真係唔容易嘅事！」，而前香港先生黃建東竟留言：「乜而家啲菜好貴咩？得返咁少嘅？」引起討論。
相關閱讀：黃宗澤曬太陽保暖曬到傷 陳家樂變瘦急補鑊：陳太煮飯最好食
陳家樂情人節為連詩雅煮甚麼？
連詩雅去年4月榮升陳家樂老婆，婚後非常恩愛。昨晚陳家樂為老婆炮製情人節精美晚餐，他更將豐富三餸晚餐分享到IG，陳家樂寫說表示：「煮飯真係唔容易嘅事！首先要用一個鐘頭喺街市買餸，返到屋企7點鐘，一入廚房出返嚟已經9點鐘！平時真係辛苦陳太！你係最好㗎！情人節快樂！」從陳家樂分享的相片看到他煮了3個餸，包括6件豬頸肉、9隻蒜蓉蒸蝦同一少撮蒜蓉炒菜，全部「限量」，相當精美，陳家樂hastag「以後廚房都係交返俾你」、「強烈要求情人節改為四年一次」，連詩雅則回覆表示：「你而家明呢，情人節快樂！辛苦晒！」。
陳家樂晚餐太少餸？
陳家樂的情人節限定住家飯，獲陳太連詩雅欣賞，不過看過此Po的前香港先生黃建東竟留言問，「乜而家啲菜好貴咩？得返咁少嘅？」，而黃翠如和袁偉豪也留言大讚陳家樂，「好叻呀」、「唔錯」！另外亦有網民留言笑指餸菜太少，「哈哈，我都想問點解碟菜得咁少，錯咗重點添，sorry…haha情人節快樂，祝陳生陳太繼續甜蜜幸福日日都係情人節」、「點解得幾條菜咁少」、「菜菜點解咁少嘅，不過都係好勁，睇得出煮嘢食有一手」、「個叉燒係咪斬料」。對於網民的疑問，陳家樂表示：「我偷食咗少少」、「斬你個頭！我整㗎！！！」
陳家樂與連詩雅靚靚婚照：
其他文章：
陳家樂向老婆提水想收一物做情人節禮物 自爆做「家庭主夫」被連詩雅鬧爆
陳家樂拒評論老婆連詩雅內地演出風波 積極考慮陪巡迴想有新鮮感
颱風蘇拉丨陳家樂家中水浸驚現「室內噴泉」 老婆連詩雅呻爆阿Sa同病相憐
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
