Эчтәлеккә күчү

Жан Кастекс

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Жан Кастекс latin yazuında])
Жан Кастекс
Франция премьер-министры
Вазыйфада
3 июль 2020 – 16 май 2022
Аңа кадәр Эдуар Филипп
Шәхси мәгълүмат
Туган 25 июнь 1965(1965-06-25) (59 яшь)
Франция, Окситания, Вик-Фезансак
Сәяси фирка Халык хәрәкәте өчен берлек (2015 елга кадәр)
Алга, Республика!(фр.)татар. (2015—2020)
Җефет Сандра Рибелейг[d]
Белем Сәяси тикшеренүләр институты

Жан Кастекс (фр. Jean Castex, 1965 елның 25 июне, Франция, Окситания, Жер департаменты, Вик-Фезансак) — француз сәясәтчесе. Франция байрагы Франция премьер-министры (3 июль 2020 — 16 май 2022).

Тәрҗемәи хәле

[үзгәртү | вики-текстны үзгәртү]
Жан Кастекс

1965 елның 25 июнендә Франциянең көньяк-көнбатышындагы Окситания төбәге Жер департаменты Вик-Фезансак шәһәрендә туган. 1971—1989 елларда Вик-Фезансак шәһәренең мэры вазифасын биләгән Марк Кастексның(фр.)татар. оныгы. Жан Кастекс Тулуза – 2 университетын(фр.)татар., Сәяси тикшеренүләр институтын(фр.)татар., Милли администрация мәктәбен(фр.)татар. тәмамлаган. Республикачылар фиркасе(фр.)татар. әгъзасы.

Хезмәт юлы

[үзгәртү | вики-текстны үзгәртү]

Хисап палатасында, 1999—2001 елларда — Воклюз департаменты префектурасында эшли, 2001—2005 елларда Эльзас провинциясенең Хисап палатасына җитәкчелек итә .

2005—2006 елларда — Франциянең сәламәтлек саклау һәм теләктәшлек министрлыгында госпитализация һәм ярдәм оештыру идарәсе (DHOS) директоры була.

2006—2008 елларда — сәламәтлек саклау министры, аннан хезмәт министры вазифасын башкарган Ксавье Бертран кабинетларын җитәкли.

2008 елда — Окситания төбәгенең Көнчыгыш Пиренейлар департаменты (үзәге Перпиньян) Прад шәһәре(фр.)татар. мэры итеп сайлана. 2014 елда сайлаучыларның 70 % ын, 2020 елда 75,72 % ын җыеп, янәдән мэр булып сайлана.

2012 елда — Жер департаментыннан Франция Милли Мәҗлесенә(фр.)татар. депутат булып сайланырга омтылып карый, ләкин социалист кандидатка җиңелә.

2017 елда — премьер-министр Эдуар Филипп Жан Кастексны 2024 елда Олимпия(рус.)татар. һәм Паралимпия уеннарын үткәрүгә Париж кандидатурасын яклау өчен ведомствоара делегат итеп билгели [1].

2010 елдан 2015 елга кадәр — Лангедок-Русильон төбәк шурасы депутаты.

Президент Николя Саркозиның вәкаләтләренең соңгы чорында Елисей сарае(фр.)татар. генераль сәркатибе ярдәмчесе вазифасын башкара[2].

2015 елның 29 мартыннан — Көнчыгыш Пиренейлар(фр.)татар. департамент шурасы депутаты.

2019 елның апрелендә Милли спорт агентлыгын җитәкли[3].

2020 елның 3 апреленнән COVID-19 таралу белән бәйле чикләүләрне акрынлап бетерүне оештыру буенча ведомствоара комиссияне җитәкли[4].

Хөкүмәт башында

[үзгәртү | вики-текстны үзгәртү]

Премьер-министр Эдуар Филипп(фр.)татар. 2020 елның 28 июнендә узган төбәк сайлауларында президент Эммануэль Макрон фиркасенең уңышсыз нәтиҗәсеннән соң үз вазифасыннан киткән. Ул үзе отставкага китү турында гариза биргән һәм президент аны кабул иткән. Икесе дә: «Президент срогының яңа этабын гамәлгә ашыру өчен Франциягә яңа хөкүмәт формалаштырырга кирәк», дип килешкән.

«Алга, Республика!» фиркасе(фр.)татар. ил буенча төп урыннарны били алмаган. Бердәнбер искәрмә булып, Э. Филиппны Гавр шәһәре мэры вазифасына яңадан сайлау тора[5][6][7].

Сылтамалар

[үзгәртү | вики-текстны үзгәртү]

Искәрмәләр

[үзгәртү | вики-текстны үзгәртү]
  1. ↑ Le Gersois Jean Castex nommé Premier ministre pour remplacer Edouard Philippe. La Depeche, 03.07.2020(фр.)
  2. ↑ Qui est Jean Castex, le nouveau Premier ministre?. La voix du Nord (2020-07-03). 2020-07-03 тикшерелгән.
  3. ↑ Биография Жана Кастекса. ria.ru, 03.07.2020<(рус.)
  4. ↑ Olivier Faye (2020-07-03). Coronavirus : Jean Castex, « M. Déconfinement » du gouvernement et « homme de confiance » d’Edouard Philippe. Le Monde. 2020-07-03 тикшерелгән.
  5. ↑ Назначен новый премьер-министр Франции. msn.com, 03.07.2020(рус.)
  6. ↑ Démission du gouvernement, en direct : Jean Castex est nommé premier ministre. Le Monde (2020-07-03). 2020-07-03 тикшерелгән.
  7. ↑ Алексей Тарханов (2020-07-03). Премьер-министром Франции стал мэр города Прад Жан Кастекс. Коммерсантъ. 2020-07-03 тикшерелгән.
 
1959 елдан башлап Франция байрагы Бишенче Француз республикасы премьер-министрлары
Дебре (1959—1962)  • Помпиду (1962—1968)  • Кув де Мюрвиль (1968—1969)  • Шабан-Дельмас (1969—1972)  • Мессмер (1972—1974)  • Ширак (1974—1976)  • Барр (1976—1981)  • Моруа (1981—1984)  • Фабиус (1984—1986)  • Ширак (1986—1988)  • Рокар (1988—1991)  • Крессон (1991—1992)  • Береговуа (1992—1993)  • Балладюр (1993—1995)  • Жюппе (1995—1997)  • Жоспен (1997—2002)  • Раффарен (2002—2005)  • Вильпен (2005—2007)  • Фийон (2007—2012)  • Эро (2012—2014)  • Вальс (2014—2016)  • Казнёв (2016—2017)  • Филипп (2017—2020)  • Кастекс (2020—2022)  • Борн (2022—2024)  • Атталь (2024)  • Барнье (2024 — х. в.)
Чыганак — https://tt.wikipedia.org/w/index.php?title=Жан_Кастекс&oldid=4160713