1813 – Pamingpin pangbébasan Amérika Kidul, Simon Bolivar asup ka Merida, mingpin panyerangan ka Vénezuéla, sarta diproklamirkeun minangka El Libertador (Si Pangbébas).
1915 – Perang Dunia I: Italia nyatakeun perang ka Austria-Hongaria, aub kana konflik di pihak Sakutu.
1930 – Amy Johnson ngadarat di Darwin, Wilayah Kalér, jadi wanita munggaran nu ngapung sosoranganan ti Inggris ka Australia (miang dina tangal 5 Méi).
1940 – Igor Sikorsky midangkeun pangapungan nu hasil tina hélikopter rotor tunggal.
1941 – Perang Dunia II: Dina Patempuran Atlantik, Kapal Perang Jérman nilemkeun kapal kabanggaan Angkatan Laut Inggris harita, HMS Hood, nelasan kabéh kru kapal kajaba tilu urang.
1958 – United Press International diadegkeun ngaliwatan panggabungan antara United Press jeung the International News Service.
1967 – Mesir nerapkeun blokade jeung paningkeran ka basisir Laut Beureum Israél.
1981 – Présidén Ékuador Jaime Roldos Aguilera, pamajikanna tur komite kaprésidénanna palastra dina kacilakaan pasawat nalika miang ti Quito ka Zapotillo.
1982 – Pangbébasan Khorramshahr: Iran ngarebut deui kota palabuan Khorramshahr ti Irak dina Perang Iran-Irak.
1991 – Israél ngajalankeun Operasi Sulaéman, ngaévakuasi urang Yahudi Éthiopia ka Israél.
1992 – Diktator pamungkas Thailand, Jénderal Suchinda Kraprayoon, mundur tina jabatanna sabada ayana protés pro-démokrasi.
1992 – Pangbersihan étnis di Kozarak, Bosnia jeung Hérzégowina dimimitian nalika milisi Sérbia jeung pasukan pulisi arasup ka jero kota.
1993 – Éritréa meunangkeun kamerdékanna ti Éthiopia.
1993 – Kardinal Katolik Roma, Juan Jesús Posadas Ocampo jeung lima jalma lianna ditelasan dina panémbakan di Bandara Internasional Miguel Hidalgo y Costilla Guadlajara di Méksiko.
1994 – Opat jalma kadakwa palaku pangeboman World Trade Center di New York di taun 1993 ditibanan hukuman 240 taun panjara.
1999 – Pangadilan Kriminal Internasional manten Yugoslavia di Dén Haag, Walanda, ngadakwa Slobodan Milosevic jeung opat urang lianna pikeun kajahatan perang jeung kajahatan ngalawan kamanusaan di Kosovo.
2000 – Tentara Israél mundur ti Libanon sabada ngadiukan salila 22 taun.
2014 – Saheunteuna tilu jalma palastra dina hiji panémbakan di Muséum Yahudi Brussels, Bélgia.
2017 – Dua serangan bom maéhan manéh di Terminal Beus Kampung Malayu, Jakarta, ngabalukarkeun lima urang, kaasup dua palakuna, maot, sarta 10 urang tatu.
2018 – Présidén AS Donald Trump ngabatalkeun pasamoan jeung Koréa Kalér sarta Kidul alatan pernyataan mumusuhan ti Koréa Kidul.
2019 – Dina tekenan kana pangréngséan Brexit, PM Theresa May ngabéwarakeun pangunduran dirina minangka pamingpin Partéy Konservatif, lumaku dina tanggal 7 juni.
