素食者不滿黃竹坑西餐廳拒供應素食公審態度差反捱轟餐廳最新舉動獲網民大讚：好識玩！

2024-07-16 00:00

（7月16日更新）近年不少人都加入素食者行列，不過外出用餐時，未必每間餐廳都能提供素食選擇。最近有素食者狠批黃竹坑一間肉食西餐廳「唔做素友生意」兼服務態度差，稱向員工查詢餐廳可否將餐點轉為素食時遭到無禮拒絕，於是在社交平台發文公審，反遭網民怒轟「強人所難」，直指事主是「西客」，掀起網民熱議！餐廳雖無正面回應事件，但最新舉動就贏盡網民掌聲，大讚「好識玩！」

素食者要求餐點轉素食被拒發文公審黃竹坑西餐廳態度差

素食者要求餐點轉素食被拒發文公審黃竹坑西餐廳態度差網民反批「西客」：強人所難！

近日有稱自己是素食者的網民於Threads發文分享到訪黃竹坑THE SOUTHSIDE商場用餐的不快經歷

她指本來見到商場內某間餐廳的餐牌，認為美食選擇「幾有趣」

「所以就算Menu（餐牌）上面冇素食，我都硬着頭皮入去諗住問吓可唔可以有例外。」

於是事主向一位男員工查問，對方指有些菜式應該可以轉素食，如咖喱蛋飯，不過當事主追問晚市套餐可否提供素食時，他指要「問下經理」

隨後請來女經理解答，不過經理的回答及態度卻令事主不滿，狠批態度差！

事主指該「中年女人manager」用趕時間語氣問：「有咩幫到你？」事主回答：「冇啊想問吓你哋晚餐set有冇得主菜轉素食？」

事主指對方面無表情地回應：「我哋冇素食，對唔住。」令事主大為不滿

怒轟「哦。唔做素友生意可以直接講，無其實唔緊要，好正常，但係大部分餐廳都會試。」

「你咁嘅服務態度，一定無睇古天樂」

貼文引起網民熱議，不過網民卻一面倒撐餐廳，更反批事主是「西客」

有人貼出餐廳餐牌，指大部分菜都含有肉類

如西蘭花百合炒雞柳、鹹蛋土魷馬蹄蒸肉餅、壽喜燒牛肉等

因此認為事主要求不合理：「強人所難！」

「有幾自我中心，先會喺間餐廳答唔到自己心目中嘅答案就即刻上網唱衰人？」

「你明知人地無素食都想要求人整個素食餐比你，你咁多要求，點解唔自己返屋企整？」

「而家餐飲業已經好難做，大家不如都真係多少少包容啦。」

「鍾意食素，但明點解啲人咁憎素食X」

「佢咪同你講左無素食，仲同你講埋對唔住，我覺得佢已經做左佢要做嘅嘢」

「自以為是嘅人永遠都覺得係其他人錯」

近日有自稱是素食者的網民於Threads發文分享到訪黃竹坑THE SOUTHSIDE商場用餐的不快經歷，她指本來見到商場內某間餐廳的餐牌，認為美食選擇「幾有趣」：「新港式得來又Affordable（價錢易負擔），所以就算Menu（餐牌）上面冇素食，我都硬着頭皮入去諗住問吓可唔可以有例外。」

於是事主向一位男員工查問，對方指有些菜式應該可以轉素食，如咖喱蛋飯，不過當事主追問晚市套餐的菜式可否轉為素食時，他則表示要「問下經理」，隨後請來餐廳女經理解答。不過，經理的回答及態度卻令事主不滿，狠批服務態度差！完整事件經過詳見圖輯。

素食者要求餐點轉素食被拒網民反批「西客」：強人所難！

貼文引起網民熱議，不過網民卻一面倒撐餐廳，更反批事主是「西客」！有人貼出餐廳餐牌，指餐廳晚市套餐大部分菜式均含有肉類，如西蘭花百合炒雞柳、鹹蛋土魷馬蹄蒸肉餅、壽喜燒牛肉等，認為事主要求不合理：「強人所難！」、「咁少事都有hard feelings（難受）」、「而家餐飲業已經好難做，大家不如都真係多少少包容啦。」、「有幾自我中心，先會喺間餐廳答唔到自己心目中嘅答案就即刻上網唱衰人？」、「你明知人地無素食都想要求人整個素食餐比你，你咁多要求，點解唔自己返屋企整？」、「鍾意食素，但明點解啲人咁憎素食X」。

事主後續回應再被轟網民：做素食對廚房嚟講好大工序

貼文持續在社交平台發酵，事主回覆網民留言時表示理解餐廳餐牌一般都沒有列出素食選項，「但係我未試過未試過比餐廳turn away and reject。佢同事話可改咖哩飯時候佢唔在場，所以唔成立同事已經講左or佢只係針對dinner set。就算你話得白飯油菜，這是比個選擇我。而唔係話我地唔做素食。好嘛？」

惟一眾網民反駁指，「你自己可以提出下依個意見，白飯油菜得唔得，又要人估，你叫經理點開口做白飯油菜比你呀」、「做素食對廚房嚟講好大工序，喺你角度好似好簡單，但有啲人要求所有廚具唔可以同煮過肉嘅嚟煮」、「餐廳咁多單都能夠出單快而準係靠定立得清清楚楚嘅menu同workflow嘛，打斷人哋個flow仲要求幫你諗個新menu，唔係一件你諗咁輕鬆嘅事。」