早D知早D医丨黄翊太太陈存正末期肾衰竭每周洗血3次 曾休克13天靠仪器帮助呼吸：成身都布满伤痕
2024-05-15 21:50 
歌手黄翊的太太陈存正曾任亚视主持而为人熟知，主持过《今日睇真啲》，但近年因患有肾病而甚少公开现身。陈存正早年因肾病复发需入院治疗，多年来专心抗病的陈存正近日罕有接受访问，作客TVB节目《早D知早D医》分享患肾病的经历。陈存正试过最严重休克了13天，当中更有数天要靠仪器帮助呼吸，最后更由慢性肾衰竭演变成末期肾衰竭。
相关阅读：黄翊贺18岁仔生日！「饼印」仔高过爸爸 具音乐天份尽得真传
多年来专心抗病的陈存正近日终现身：
曾年有「亚视咪神」之称的陈存正在2010年患上肾病，试过因身体未能排出毒素导致视力受影响、皮肤乾裂、脚跟严重水肿，每日需要洗肾10小时，而且曾一度昏迷卧床。爱妻深切的黄翊当时不但欲捐肾，更陪她积极抗病，负担起庞大医药费。在昨日播出的《早D知早D医》，多年来专心抗病的陈存正近日终现身，剖白受肾病困扰长达十多年的心路历程。陈存正在2010年证实患上慢性肾衰竭，初期有蛋白尿和持续腰痛，大约一个月左右更出现血尿，原来陈存正的家人的肾脏先后出现问题，她说：「其实我细细个已经check住，而且又好锺意做运动，唔知腰痛原来个肾有关，成日以为系自己做得太多运动，腰痛系好正常。」
陈存正突然出现蛋白尿
直到十多年前，陈存正表示突然出现蛋白尿：「嗰阵成个洗手间都系泡，冲极都冲唔走，大约一个月左右仲出现咗血尿，成个缸都系血，咪要去check个肾，真系好惊。当时食一种好特别嘅药，好细粒，医生话呢啲系抗癌药物，因为我自身嘅免疫系统打我嘅肾，希望等佢冷静啲，唔好再打。」不过服药后出现了很严重的后遗症，陈存正说：「甩头发，食类固醇最主要系满月脸（Moon Face），个头突然间大咗好多，连帽都戴唔到。又唔敢化妆，越化越核突，甩头发嘅程度系用手轻轻搲一下，成只手都系头发，仲晒秃晒。」
陈存正最严重试过休克了13天
当刻陈存正当然感到难受：「你会觉得点算呢？成日有血尿，自然会贫血， 一贫血就会冇力，乜都做唔到，想抱吓个仔都唔得，惊整亲佢，唯有只系望下。当时又有少少产后抑郁，身体嘅硬件有病，精神上有唔妥。」经常因病穿梭医院的陈存正，试过最严重休克了13天，当中更有数天要靠仪器帮助呼吸：「我都唔知发生乜嘢事，醒咗之后我老公问『你知唔知你喺边度』，佢仲话见到嗰个仪器，有几日系冇自已呼吸，系靠畀气，如果唔系走咗㗎喇。」不过陈存正的肾功能始终不能回复，最后演变成末期肾衰竭，每周要花3天时间到医院洗血：「成身都布满伤痕，颈喉插咗三次，心口喉系比较耐啲，用咗几年，插咗二次，个肚试过摆个仪器入去洗肚。」
黄翊饼印仔18岁生日相：
陈存正靠家人撑过难关
陈存正坦言现时已经习惯下来：「我又唔觉得系乜嘢，呢啲系战迹嚟，总之有得医就系好。」虽然治疗过程漫长又痛苦，但幸好有家人支持，最终能撑过难关：「尤其系我个仔，佢讲一句『妈咪，我知道你好辛苦，不过你好叻，慢慢会冇事』，病就喺度㗎喇，开心又要病，唔开心又要病，点解唔开心啲咁去病呢？其实你当自己系正常人，做好正常嘅事，真系唔舒服咪休息，唔好向人发脾气。」
其他文章：
【惊爆离婚】传52岁黄翊卷入婚变 林晓峰IG安慰康子妮： 何须理人指指点点
----------------------
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应