東張西望丨40歲智障女迷戀上司債務纏身 被哄騙提取強積金恐要離港：好鍾意佢，後生靚仔

TVB節目《東張西望》今晚（16日）收到投訴人「黃先生」報料，指妹妹「阿珊（化名）」是一名智障人士，在快餐店從事低收入工作多年，直到去年9月遇上「靚仔經理」加盟，黃先生懷疑妹妹「阿珊」被騙財騙感情，更為靚仔經理欠落一身債，更嚴重是收到入境處要求離開香港。

相關閱讀：東張西望丨何太被爆疑似婚姻經歷細節！被指曾於國內結婚 「已故何太妹妹」反擊何伯？

東張西望丨快餐店經理疑騙智障女借財仔？

40歲智障女戀快餐店經理，搞到欠落一身債。

投訴人「黃先生」的妹妹「阿珊」是智障人士，懷疑被快餐店經理騙財騙感情。

黃先生指經理向其妹妹借錢。

經理向黃先生的妹妹稱母親入院，要醫藥費。

由最初100、200元，之後借2,000元、3,000元。

變成向財務公司借逾萬元。

黃先生向《東張西望》提供的文件，阿珊早年已驗出是發展遲緩。

阿珊的智力可能只處於邊緣水平。

黃先生曾到快餐店要求靚仔經理還錢。

黃先生指經理作出承諾還錢，並表示不會再與阿珊聯絡。

黃先生指經理本身有女朋友。

二人更準備結婚。

不過​經理被快餐店解僱後，又再搵阿珊借錢。

而且要求阿珊向三間財務公司借貸。

合共借了40,000元。

黃先生提供阿珊與經理的對話訊息。

經理稱阿珊是他背後的女人。

阿珊承認是經理陪自己去財務公司。

阿珊坦言已借幾萬元給對方。

阿珊指經理表示阿媽入院。

阿珊指經理承諾會帶她返屋企及見家長。

阿珊指對方稱不會欺騙自己。

黃先生代阿珊投資股票，亦被提取。

阿珊沽埋股票約有40,000元，將其中2萬多元給予經理。

阿珊表示經理曾承諾陪她行街卻食言。

投訴人黃先生表示：「佢話佢媽咪入咗院，要醫藥費，所以好需要錢，睇吓我妹妹可唔可以借畀佢。」由最初100、200元，之後借2,000元、3,000元，黃先生續道：「我個妹銀行都有啲錢，佢基本上陸陸續續將啲錢借晒畀佢」。阿珊的家人之後收到財務公司的追債信，有指靚仔經理教阿珊去財務公司借錢，黃先生說：「佢同財仔借咗10,000蚊，但係還19,000蚊一年期。」黃先生坦言妹妹因為是智障人士，不懂得到財務公司借貸。阿珊透露錄音短訊，表示喜歡靚仔經理：「我好鍾意嗰種囉，好鍾意佢，後生靚仔。」

阿珊因智障領高額傷殘津貼

黃先生向《東張西望》提供的文件，阿珊早年已驗出是發展遲緩，智力可能只處於邊緣水平，阿珊因為智力問題，一直領取高額傷殘津貼。黃先生懷疑妹妹阿珊被騙財呃感情，曾到快餐店要求靚仔經理還錢，以及作出承諾：「他承諾喺12月出糧，將全數2萬蚊還返俾我哋，嗰日已經同佢講，我個妹咁嘅情況，你唔好再問佢借錢喇！同埋都有女朋友喇，仲話今年諗住結婚，盡量唔好再聯繫佢（阿珊）啦！佢（靚仔經理）好爽快咁答應我。」

相關閱讀：東張西望丨何伯變東張女神理想型？梁敏巧撐非無腦 14字回應何伯疑想除褲證「勁度」

靚仔經理遭解僱搵阿珊借貸

靚仔經理之後已還錢，亦沒有再聯絡阿珊，黃先生以為事件已經過去，怎料一個月後靚仔經理被快餐店解僱，黃先生說：「佢冇收入，又開始聯絡我個妹，更離譜嘅係又突教佢借錢，唔只呢間，又借第二間、第三間。因為我妹收入唔高，借1萬、2萬。」由於阿珊收入不到10,000元，因此向多間財務公司借貸後，合共借款40,000元。
黃先生提供妹妹阿珊與靚仔經理的交談訊息，只見多數是阿珊單方面發訊息，對方甚少回應，阿珊問靚仔經理在做甚麼，對方只回一句：「我沒有固定」，但涉及金錢時，靚仔經理即秒速回覆：「你拿2,000給我，我去翻倍，明天給你3,000......做我的女人，從來沒有不聽我話的」，靚仔經理更教阿珊帶齊文件到財務公司，配合對方所需的要求。

阿珊直認跟靚仔經理借財仔

在阿珊的一段語音中，直認靚仔經理曾陪她到財務公司借貸，佢陪我去兩間。」阿珊又承認對方問她借錢：「佢係問我借錢，我畀得幾多就幾多囉，都有幾萬，係我自己辦，係我自己攞。」阿珊表示靚仔經理親口跟她表示：「我係佢背後嘅女人，佢會帶我去見佢阿媽，佢講過會帶我去佢屋企，佢話佢冇呃我，佢唔會呃我，我見唔到佢，我心情好似爭乜嘢咁囉。」

哥哥幫忙投資股票被取出

黃先生表示阿珊持有的股票，是他幫忙購買：「我知佢唔識買賣股票，我驚佢亂使錢，就幫佢買股票，結果就去銀行沽埋啲股票，大約有40,000蚊，又將20,000幾交咗畀嗰個男仔。」阿珊指對方表示會每個月還5,000元。阿珊唯一對靚仔經理的懷疑，並非騙財，而是對方曾承諾陪她行街卻食言，她睇中一條裙，靚仔經理表示會送給他，但沒有做到。

相關閱讀：東張西望丨一文睇清何伯夫婦二度受訪四大重點！何太為嫁三次傳言解畫 疑耍手段識男人

東張西望丨哥哥質問靚仔經理與妹妹關係：

黃先生的家人收到入境處通知，要求阿珊離境。

黃先生表示全家人都好擔心阿珊，因她以不在香港為由已提取強積金。

黃先生致電經理，對方否認知道阿珊提取強積金。

不過黃先生提供阿珊的對話短訊，就見到經理有教阿珊提取強積金。

經理稱每月會還錢給阿珊，處理財務公司的債務。

黃先生質問經理為何要透過阿珊向財務公司借貸，對方稱自己曾破產借不到錢。

經理又稱：「我哋聯絡又唔係話講感情嘢！」

黃先生問經理是否很無恥，將主意打到智障人士身上。

經理又稱：「咁佢咁幫我丫嘛，咁佢肯幫我，我真係欣賞佢喎。」

經理表示與阿珊是朋友：「我唔會呃佢，我呃佢就唔會咁面對件事啦！」

大律師陸偉雄提供建議。

對方是否知道受騙人是智障人士，推論是否有犯罪意圖。

隨時罪加一等。

以不在港為由提取強積金

當阿珊期待與靚仔經理約會歎糖水時，黃先生指家人收到入境處通知，要求阿珊離境，原來靚仔經理將主意打到強積金上，阿珊已作出宣誓並提取金錢，以不在香港為由提取強積金，因此被要求離港。黃先生擔心妹妹情況，在《東張》主持吳幸美陪同下致電靚仔經理，對方否認知道阿珊提取強積金，但在他與阿珊的短訊中，曾誘導阿珊提取強積金。靚仔經理被問到為何要透過阿珊向財務公司借貸，對方表示：「因為我借唔到呀！因為我破過產。」又稱從5月開始，每月會還錢給阿珊處理財務公司的債務。

黃先生質問與妹妹關係

黃先生質問靚仔經理曾承諾不會再與阿珊聯絡卻食言，對方否認：「我哋聯絡又唔係話講感情嘢！（唔係感情嘢，咩係佢係你背後嘅女人？）唔係，咁佢咁幫我丫嘛，咁佢肯幫我，我真係欣賞佢喎。」黃先生即追問二人的關係，又問靚仔經理會否願意跟智障人士交往：「你會唔會覺得呃個智障女好無恥呢？」靚仔經理表示與阿珊是朋友：「我唔會呃佢，我呃佢就唔會咁面對件事啦！」大律師陸偉雄指出如以藉口或假象欺騙智障人士，對方是否知道受騙人是智障人士，推論是否有犯罪意圖，如法官知道是有意圖詐騙智障人士，一但罪成會罪加一等。

其他文章：

東張西望丨網上瘋傳何太三大背景！疑三度結婚 傳避走內地狂呻被抹黑

東張西望丨何伯內地妻鏡頭前後語氣大不同？ 激動插嘴糾正老公用詞引熱議

東張西望丨何太前夫疑反擊！否認曾虐待前妻 18歲子非親生 奉勸何伯：半年後你將會後悔莫及

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow