早D知早D醫丨黃翊太太陳存正末期腎衰竭每周洗血3次 曾休克13天靠儀器幫助呼吸：成身都佈滿傷痕
2024-05-15 21:50 
歌手黃翊的太太陳存正曾任亞視主持而為人熟知，主持過《今日睇真啲》，但近年因患有腎病而甚少公開現身。陳存正早年因腎病復發需入院治療，多年來專心抗病的陳存正近日罕有接受訪問，作客TVB節目《早D知早D醫》分享患腎病的經歷。陳存正試過最嚴重休克了13天，當中更有數天要靠儀器幫助呼吸，最後更由慢性腎衰竭演變成末期腎衰竭。
相關閱讀：黃翊賀18歲仔生日！「餅印」仔高過爸爸 具音樂天份盡得真傳
多年來專心抗病的陳存正近日終現身：
曾年有「亞視咪神」之稱的陳存正在2010年患上腎病，試過因身體未能排出毒素導致視力受影響、皮膚乾裂、腳跟嚴重水腫，每日需要洗腎10小時，而且曾一度昏迷臥床。愛妻深切的黃翊當時不但欲捐腎，更陪她積極抗病，負擔起龐大醫藥費。在昨日播出的《早D知早D醫》，多年來專心抗病的陳存正近日終現身，剖白受腎病困擾長達十多年的心路歷程。陳存正在2010年證實患上慢性腎衰竭，初期有蛋白尿和持續腰痛，大約一個月左右更出現血尿，原來陳存正的家人的腎臟先後出現問題，她說：「其實我細細個已經check住，而且又好鍾意做運動，唔知腰痛原來個腎有關，成日以為係自己做得太多運動，腰痛係好正常。」
陳存正突然出現蛋白尿
直到十多年前，陳存正表示突然出現蛋白尿：「嗰陣成個洗手間都係泡，沖極都沖唔走，大約一個月左右仲出現咗血尿，成個缸都係血，咪要去check個腎，真係好驚。當時食一種好特別嘅藥，好細粒，醫生話呢啲係抗癌藥物，因為我自身嘅免疫系統打我嘅腎，希望等佢冷靜啲，唔好再打。」不過服藥後出現了很嚴重的後遺症，陳存正說：「甩頭髮，食類固醇最主要係滿月臉（Moon Face），個頭突然間大咗好多，連帽都戴唔到。又唔敢化妝，越化越核突，甩頭髮嘅程度係用手輕輕搲一下，成隻手都係頭髮，仲晒禿晒。」
陳存正最嚴重試過休克了13天
當刻陳存正當然感到難受：「你會覺得點算呢？成日有血尿，自然會貧血， 一貧血就會冇力，乜都做唔到，想抱吓個仔都唔得，驚整親佢，唯有只係望下。當時又有少少產後抑鬱，身體嘅硬件有病，精神上有唔妥。」經常因病穿梭醫院的陳存正，試過最嚴重休克了13天，當中更有數天要靠儀器幫助呼吸：「我都唔知發生乜嘢事，醒咗之後我老公問『你知唔知你喺邊度』，佢仲話見到嗰個儀器，有幾日係冇自已呼吸，係靠畀氣，如果唔係走咗㗎喇。」不過陳存正的腎功能始終不能回復，最後演變成末期腎衰竭，每周要花3天時間到醫院洗血：「成身都佈滿傷痕，頸喉插咗三次，心口喉係比較耐啲，用咗幾年，插咗二次，個肚試過擺個儀器入去洗肚。」
黃翊餅印仔18歲生日相：
陳存正靠家人撐過難關
陳存正坦言現時已經習慣下來：「我又唔覺得係乜嘢，呢啲係戰迹嚟，總之有得醫就係好。」雖然治療過程漫長又痛苦，但幸好有家人支持，最終能撐過難關：「尤其係我個仔，佢講一句『媽咪，我知道妳好辛苦，不過你好叻，慢慢會冇事』，病就喺度㗎喇，開心又要病，唔開心又要病，點解唔開心啲咁去病呢？其實你當自己係正常人，做好正常嘅事，真係唔舒服咪休息，唔好向人發脾氣。」
其他文章：
【驚爆離婚】傳52歲黃翊捲入婚變 林曉峰IG安慰康子妮： 何須理人指指點點
----------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應