79歲馮素波兩度被批只活到73歲年初七拍戲做一事成功度過？

2024-04-25 10:00

「貼地嫲嫲」馮素波（波姐）今年便80歲，近年活躍於社交平台，與網民分享生活日常，深受網民喜愛。馮素波近日接受網上靈異節目《恐怖在線》訪問，與潘紹聰大談三度搬屋遇靈異事，以及兩度被相士狠批活不過73歲的經歷。

馮素波兩被相士狠批活到73歲？

1950年，馮素波6歲時已經做童星，與李小龍拍電影《細路祥》，入行已經超過70年。

馮素波將於今年8月踏入80歲。

馮素波依然活躍演藝圈仍未言休。

馮素波上月宣布約滿TVB。

馮素波近日在節目中，自揭三次搬屋都遇到靈異事件，但之後就工作爆忙。

馮素波早於30多歲時，已被相士批只活到73歲，但她現年已79歲。

馮素波更表示兩度疑似見到父母顯靈。

馮素波的爸爸馮峰曾是導演，更是粵劇小生兼電影男主角。

馮素波在60年代與當時粵語片女星結義金蘭成為「七公主」，（左起）馮寶寶、王愛明、陳寶珠、蕭芳芳、馮素波、沈芝華、薛家燕。

相隔多年，七公主感情依然情同姊妹。

同是「七公主」的馮寶寶（左）是馮素波的同父異母姊妹。

馮素波曾坦言當年爸爸馮峰特別疼錫九妹馮寶寶（中），直指父親偏心。

馮素波指馮寶寶（前中）向來擁有優先權，記得有次工作人員為她換衣服，但妹妹一入廠大家就馬上停手，轉身服侍對方。

馮素波（右二）和馮寶寶（右）依然好好感情。

馮素波年輕時好清純。

馮素波年輕時的照片。

馮素波在60年代開始，在夜總會駐唱，直至80年代式微。

馮素波（中）2014年開騷，妹夫余子明與妹妹馮素雲一齊做嘉賓合唱。

2019年馮素波（左）與妹夫余子明一齊開騷，當時胞妹馮素雲亦有粉墨登場。

馮素又演粵劇。

馮素波在節目中表自己不迷信，但卻相信風水，更有吸靈異體質，因三度搬屋都遇上遇靈異事，有兩次還疑似見到父母顯靈：「因為我識得個朋友睇風水，我搬新屋，呢個朋友就叫要裝香嘅嘢、神位唔好擺喺呢幅牆，當我要擺傢俬最好擺就係嗰幅牆，就唔到。我心諗你又冇解釋俾我知做咩唔好擺，咁我咪將個位擺正喺嗰度，我只不過擺個香爐喺嗰度，我又冇擺神位，只係擺咗我老竇張相喺嗰度，一擺我老竇張相就仆咗落個香爐度。」馮素波之後去瞓覺，聽到老公返家時，她疑遭「鬼壓床」：「郁唔到，得有人拉我張被。」不過她估計是已故的爸爸馮峰與她開玩笑。

馮素波遇見靈異事行運

馮素波之後再搬屋，她笑說今次遇到媽媽：「我見到有兩個紙紮公仔企喺我床尾，想拉我走，我見到媽媽喺牆，叫我念經啦！到依家我未見到我阿媽，廿年冇見。」馮素波表示因為年紀大，所以租屋每次只能簽兩、三年租約，因為頻頻要搬屋，她說：「到另外一次又要搬屋，我眼尾望到間房有個黑色衫嘅女人，冇樣，唉！又擺錯位。我唔敢同我老公講。」馮素波笑言自己百無禁忌，而且自從遇見靈異事後，便多了不少工作：「間屋我三年未瞓超過兩個半鐘喺張床。」

馮素波變大眾嫲嫲？

馮素波近年成為KOL，不時在IG分享生活。

馮素波潮玩IG，還叫觀眾一齊玩。

馮素波近年不時演出嫲嫲或外婆角色，成為圈中的大眾嫲嫲。

馮素波在電影《過時．過節》是Edan婆婆。

Anson Lo在戲中飾演Edan的朋友，與撞樣的馮素波冇對手戲。

近年馮素波被拍撞樣Anson Lo。

好玩得的馮素波早前還扮Anson Lo拍廣告。

馮素波有兩個囝囝。

馮素波與兒子（東周刊圖片）

母子關係好好。

曾經與兒子David接受訪問。

馮素波與姪兒（馮素波微博）

馮素波與兒子一家和姪仔一家的合照。

馮素波孫女都好可愛。

馮素波做完植牙治療，變成「歪嘴」。

馮素波曾在IG貼相，當年夜總會頭牌歌手聚首一堂。

一班老牌歌手玩得好high。

馮素波去年8月再晒姊妹聚會，笑得好開心。

談到兩度被相士狠批活不過73歲，已經79歲的馮素波看得淡然：「嗰年我老公過身，就係要拍戲，要拍陳友嗰套《兄弟班》，正月叫我上去拍又唔講拍乜，結果年初七上去，我做阿B（鍾鎮濤）個馬姐，阿B送我返鄉下，我押住兩副棺材。嗰年我73歲。」馮素波指對年自己只是30幾歲，被相士批只餘約40年命，當時未有特別注意，她指相士當時說：「你做幾多好事都冇用，你73歲一定死。佢講得好實，嗰陣我30幾歲睇，30幾歲嘅時候點會驚吖！」

馮素波坦然面對死亡

馮素波又提到有一次胞妹叫她去檢查心臟，原來是妹夫余子明叫太太通知她，表示是師傅要求，馮素波便去睇醫生，檢查結果一切正常。馮素波到58歲時再去見師傅，同樣被指活不過73歲。馮素波輕鬆笑說：「我準備73歲死㗎！嗰年我仲開演唱會，外國啲親戚全部返嚟，永別會，我諗住睇吓幾時死，點知唔係我死，係我老公死。我而家80歲，又玩多七年。」馮素波相隔多年後，覺得是一個笑話，坦然面對死亡。

其他文章：

79歲馮素波潮玩IG與兒子有關自認欠缺演戲天份早年生活充滿怨氣

馮素波離巢最唔捨得張員工證 TVB冇責任養你一世咪當長期飯票丨獨家

馮素波貼TVBuddy合照宣佈離巢TVB 相約新朋友：新的旅程，創造經典！

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow

關鍵字