譚輝智與靚老婆溫馨互動被指好假？ 為囡囡慶生做暖男爸爸
2024-04-24 19:30 
TVB歌唱真人騷《中年好聲音2》決賽《中年好聲音2登峯之戰》於上24日舉行，三甲人選古淖文、譚輝智及顏米羔人氣急升，當中38歲亞軍譚輝智被封新一代「師奶殺手」。決賽至今剛好一個月，本身家境富裕且有一位靚老婆的譚輝智，更率先跑出拍廣告，他與老婆的溫馨互動，卻被批評好假？
相關閱讀：朱智賢避與男友謝東閔合照想開班教Pilates 譚輝智驚拉姑變心與顏米羔爭做師奶殺手
譚輝智與靚老婆互動好假？
譚輝智近日獲邀拍健康產品廣告，老婆也全程陪伴，非常體貼，譚輝智接受TVB娛樂新聞台訪問時又再次發揮搞笑本色，他直言心情有點緊張，幸好背後有個女人，並指一指坐在一旁的太太。當時見到太太顯得有點不自然，不停嘗試扭補健品樽蓋，當問到是否要求太太前來，譚輝智即答：「其實就我諗佢都想嚟睇吓嘅，咁兩樣都有啦，我自己都想佢喺度嘅，我都會緊張嘛」。
譚輝智甜言蜜語冧老婆
當主持潘盈慧再問是否太太在會比較安心，譚輝智又答：「其實都安心嘅，本身我都自己出去拍嘢啦……」潘盈慧即笑指應該𠱁太太，譚輝智即展現幽默一面：「哦，你鍾意呢隻呀？咁梗係想佢喺度啦，咁梗係安心啲啦！」他又搞笑指會問太太之後會否經常陪伴工作，當問到會否將酬勞奉上，譚輝智即說：「不嬲咩都畀晒佢呀啦，佢會話：『你試吓唔畀吖！』」對於外界經常覺得他很搞笑，譚輝智指原本表現生硬，但並非本身的性格，多得比賽的洗禮，與很多幕後工作人員熟絡後，獲鼓勵做回自己，並經常要求他表現搞笑一面。譚輝智又透露現時工作忙碌，經常睡眠不足，幸好每星期會抽一天打籃球，他更指年輕時為運動健將，無論足球、籃球及田徑都有參與。
譚輝智夠真誠人氣爆燈：
晚上，譚輝智又加入「輕鬆啲」頻道做直播，好友劉威煌笑指看完譚輝智的廣告探班片段忍不住大笑：「唔知點解係你啲新聞不其然會睇晒，期待你有咩會錯同甩漏。我睇晒條片，你老婆係勁假，扮擰蓋嗰吓。」譚輝智解釋：「其實我叫佢出鏡嘅，但佢死都唔肯出，揸住盒嘢又唔郁喎，佢直頭『Hold機』咁，其實可以扮玩電話，因為個蓋佢開唔到，要扮晒睇。其實佢知拍緊佢，佢係少少想入鏡但又有少少怕醜。」劉威煌直言譚輝智兩公婆好搞笑，「其實係正，你哋先有呢種感覺，因為我哋太耐已經知鏡頭前要做啲咩，（我哋）咁樣反而唔太好。」
譚輝智見證女兒出生爆喊
除了是好老公外，2018年結婚並有兩個小朋友的譚輝智也是好爸爸，「輕鬆啲」今日（24日）上載一張譚輝智拖着女兒的照片，並寫有：「五年前嘅今日，FC做老竇啊，『當年今日我係手術室聽到你第一聲喊聲，我都喊埋一份』。唔好意思！今日FC個囡囡生日，所有『鬆啲』叔叔都要行埋一邊，今日唔好搵佢，佢只聽一個人命令，大家一齊祝福下FC囡囡，除咗生日快樂！身體健康！快高長大！學業進步！有冇啲冇咁行嘅祝福語？大家幫手諗諗啦」，一班好友和網民紛紛送上祝福。
其他文章：
狄波拉闖《中年好聲音2》 慶功宴！ 見偶像譚輝智變懷春少女獻禮表心迹
古淖文 譚輝智 顏米羔一場比賽贏盡友誼 《中音2》三甲 力撐身邊人參加下一季丨名人雜誌
中年好聲音２丨譚輝智與胡楓有密切關係？ 狄波拉竟是Fans為偶像甘做一件事
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應