星8卦｜「標緻」迫「阿叔」攞名份失敗 轉溝「西哥」玩激將法

有啲男女相遇遲咗，或者時間唔對盤，行唔到尾就真係徒生慨嘆！「標緻」近年人氣爆燈，不過佢一直都好運，但自從有咗幾段情傷後，做戲突飛猛進。「阿叔」份人口甜舌滑，一直好有異性緣，當年兩個人相遇，「標緻」係妹妹仔，對「阿叔」已經傾慕，後嚟有咗名氣，主動追求「阿叔」，對於一直自恃情場浪子嘅佢梗係一拍即合。因為太愛，「阿叔」覺得前所未有嘅幸福。

因為對婚姻有憧憬，「標緻」多年嚟都對「阿叔」講希望可以同佢成家立室，但「阿叔」當年好辛苦至追到自己個老婆，亦應承唔會離婚，更重要呢個女人任佢亂嚟都從來唔多聲氣。「標緻」覺得愛情大晒，唔理解「阿叔」嘅心態，於是同佢嘅老友「西哥」喺埋一齊，諗住打擊吓，的確係「我愛你，但你同我朋友一齊篤眼篤鼻」，真係幾痛苦㗎！

「阿叔」眼見佢兩個玩真嘅，不過「西哥」一樣唔會畀到將來「標緻」，「阿叔」嬲起上嚟咪又去搵個同佢氣質有九成相似嘅女人一齊，呢種你激我我激你嘅心態都幾難理解。但最蠢一方始終係女人，希望「標緻」諗通唔好再浪費喺啲無結果嘅感情遊戲上面啦！

 

相關文章：

星8卦｜「排骨」做戲當副業 提升知名度為方便搵老細賺真銀

星8卦｜「巴閉」欠債被告 情願使律師費堅持唔找數

星8卦｜「好命」獨力養家幾億身家 再嫁低調扮窮做大贏家

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ