星8卦｜「巴閉」欠債被告 情願使律師費堅持唔找數

只要你夠膽，唔少女人生存自有道。「巴閉」最近有單官司，但因為對方好低調，所以無乜俾人報道。告乜？告佢唔找數囉，幾百萬啫，唔知點解搞到咁大鑊。最重要「巴閉」用咗呢間公司好多年，但原來每次找數都係要等。等乜？咁上下時間，張單出咗，你唔使追嘅，自然有啲男人會打嚟，「喂，呢條數你上嚟我公司拎啦！」通常都係三幾百萬，唔使太耐，兩個月就收到數。

所以幾年嚟大家都相安無事，初時大家都覺得奇怪，點解次次都係唔同男人嘅？久而久之終於明白一個道理，邊個想同「巴閉」有下文，就幫佢搞掂一啲數先，「巴閉」自然會滿足呢啲男人嘅要求。成個過程都係買同賣啫，「巴閉」今次就拖咗半年咁耐，公司每次搵人都由助手出嚟擋，人哋真金白銀幫你找數，「巴閉」就要等男人出手，呢幾年大家手頭緊，呢個男人都唔知去邊度搵，拖咗成年，咪惟有上法庭囉。

但「巴閉」總係搵到好多奇怪理由覺得自己唔使找數，連個官都俾佢激到傻眼，單嘢再拖落去，「巴閉」都要使律師費，勸佢不如大家傾掂，找一部份數都好過兩邊使錢，但佢就係覺得自己無錯至奇怪！

 

相關文章：

星8卦｜「好命」獨力養家幾億身家 再嫁低調扮窮做大贏家

星8卦｜「甜甜」單親影響 專撬人哋老公博白頭到老

星8卦｜「假人」恨出頭靠合照亂放消息 自抬身價犯眾憎

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ