顧定軒被誤會唔再演戲成年冇收入 想自己話事自資幾十萬做音樂丨獨家

前年進軍樂壇的顧定軒(Zeno)，今年會繼續自資出歌，新歌《羅曼蒂克》MV亦在情人節推出，Zeno坦言做獨立歌手，條路好難行，除出錢出力，仲要絞盡腦汁做音樂甚至創作文案，搞到佢經常頭痛要常啪止痛藥，所以新年願望最想身體健康，唔想冇錢之餘仲要身子弱！採訪：方騫平

屬狗的Zeno唔在意今年犯太歲。

顧定軒喺新正頭到黃大仙拜神祈福。

Zeno誠心祈求身體健康。

顧定軒於新正頭到黃大仙拜神祈福，希望新一年身體唔好咁瘦弱，可能畀自己壓力太大，去年開show前身體負荷唔到，導致腸胃炎肚屙兼失聲，搞到朋友們擔心多過enjoy個show。對於屬狗的他今年犯太歲，Zeno就唔多在意：「肖狗好似年年都犯太歲，其實係咪都要咁過生活㗎啦，相信努力做人樂觀啲，有好嘅心態自然會開心啲。」

去年Zeno做Show前身體不適。

花幾十萬做音樂好有誠意

Zeno今年仍然會自資做歌，仲會籌備出實體唱片及精品：「呢兩年出新歌、實體唱片及精品、做show，夾夾埋埋花咗幾十萬，可想而知我幾咁鍾意音樂呀，同睇得到我嘅誠意。因為自己公司做音樂自由度大，可以直接表達想講訊息，作品有血有肉聽到自己心聲，反而拍戲係工具，滿足感冇音樂咁大。」不過，做獨立歌手唔容易，Zeno只能在有限資源下盡做，「相反拍戲有錢收，最慘啲人誤會我埋頭苦幹做歌手之後唔再演戲，近期真係少咗好多拍戲機會令我好頭痛，記得第一年做歌時因為冇乜收入，試過做西餅搵外快，自己做廚出身，唔會有演員光環。」

Zeno慶幸年尾跟倪嘉雯、馮皓揚拍J2飲食節目《我們家的料理》跑到啲數。

前年開始Zeno進軍樂壇。

顧定軒自資幾十萬做音樂。

新歌《羅曼蒂克》MV亦在情人節推出。

Zeno和好友黃定謙及陳凱詠互相鼓勵。

顧定軒近年少咗拍戲。

顧定軒好錫家人。

顧定軒熱愛跑步。

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ