Kani waa maqaal ku saabsan caasimada Omaha, Nebraska Maraykanka.

Boga "Omaha" waxaa laga soo toosiyay halkan.

Omaha (/əhɑː/ OH-mə-hah) waa caasimada ugu weyn gobolka Nebraska, wadanka Maraykanka. Sidoo kale caasimadani waa fadhiga dowlada Degmada Douglas^[5], waxayna dhacdaa Gobolada Badhtamaha Galbeedka Maraykanka ee dhinaca ku haya Webiga Missouri iyo waqooyiga Webiga Blatte. Caasimada Omaha waxay xuddun u tahay deegaanda balaadhan ee la isku yidhaahdo Omaha-Bluffs metropolitan, kaasi ooy soo hoosgalaan degmooyinka waqooyi ee gobolka Iowa.

Sida lagu sheegay tirokoob dowlada Maraykanku sameeysan sanadkii 2010ka waxaa lagu ogaaday in bulshada ku dhaqan magaalda Omaha tahay 408,958 qof taasi oo ka dhigeysa caasimadan mida 41aad ee ugu shacabka badan wadanka. Sidoo kale sanadkii 2014ka tirokoob kale oo la sameeyay waxaa soo baxdey in bulshada magaaladaasi aad u kacday ayadoo la sheegay in dad dhan 446,599 ku dhaqnaayeen wakhtigaasi. Marka lagu daro nawaaxigeeda Caasimada Omaha metropolitan waxay noqoneysaa mida 60aad ee ugu shacabka balaadhan wadanka Maraykanka, taasi oo sanadkii 2013ka ku noolaayeen dad dhan 895,151.^[6] Laakiin marka lagu xisaabiyo qiyaasta 50-mayl isku wareeg ah shacabku weey ka badanayaan tirada kor lagu xusay, waxaana la sheegay ineey dadkaasi gaadhayaan ilaa 1.3 milyan.

Asal ahaan caasimada Omaha waxaa laga garab aasaasay agagaarka webiga Missouri taasi oo wakhtiyadii hore ahaa wado weyn oo safarka ganacsiga alaabta loo isticmaalo. Horaantii magaalada Omaha waxay ahayd deegaan ku fiican beerashada iyo dhaqashada xoolaha, laakin waxay awood iyo bulsho badan yeelatay badhtamihii qarnigii 19aad goortaasi oo magaaladu noqotey xuddun isku xidha ganacsiga u kala gooshaya bari iyo galbeedka wadanka Maraykanka.

Maanta caasimada Omaha waa hooyga iyo xarunta sare ee shirkado waaweyn sida "Fortune 500", wershado soo saara cuntada (sida ConAgra Foods), wado tareenka ugu weyn wadanka, Shirkada Weyn ee Baasifiga, shirkado Caymis iyo dhaqaale (sida Omaha Mutual), qaar ka mid ah shikadaha dhismaha ugu weyn caalamka sida "Kiewit Corporation" iyo kuwo kale oo badan.^[7] ^[8]

Shikadaha kale ee caanka ah ee degan caasimada Omaha waxaa ka mid ah "Fortune 1000", Td Ameritrade, West Corporation, Wershadaha Valmont, Shirkada Awooda Green Plains, Warner Enterprise, First National Bank, Leo A Daly, HDR Inc, DLR Group iyo Ururka Gallup Poll.

Taariikh

Omaha, Nebraska
Omaha, Nebraska
Caasimad
	Caasimada Omaha
	Muuqaalka Farasmagaalka Omaha iyo Beerta Heartland of America Park
	Nickname(s): Albaabka Galbeedka
	Motto(s): Fortiter in Re (Latino); "Courageously in every enterprise"
	Omaha, Nebraska Meesha kaga taalo Maraykanka
Wadanka	Maraykanka
Gobol	Nebraska
Degmo	Douglas
La aasaasay	1854
Dowlad Hoose	1857
Dowlada
• Duqa-magaalada	Jean Stothert
• Xoghayaha Caasimada	Buster Brown
• Golaha Caasimada	Magacyada Xubnaha
Area	130.58 sq mi (338.20 km2)
• Land	127.09 sq mi (329.16 km2)
• Water	3.49 sq mi (9.04 km2)
Joogga	1,090 ft (332 m)
Tirada dadka (2010)
• Caasimad	408,958
• Estimate (2014)	446,599
• Rank	US: 41aad
• Cufnaanta dadka	3,217.9/sq mi (1,242.4/km2)
• Urban	725,008 (US: 58aad)
• Metro	904,421 (US: 60aad)
Aag saacadeed	UTC-6 (CST)
• Xagaa (DST)	UTC-5 (CDT)
ZIP kodes	68022, 68101–68164
Furaha	Area code 402, 531
FIPS kode	31-37000
Astaanta GNIS	0835483
Website	www.cityofomaha.org

Deegaanka maanta ah Caasimada Omaha waxaa kumanaan sano ku soo noolaan jirey dadka asal ahaan loogu tegay qaarada Ameerika ee loo yaqaano Hindida Cas, kuwaasi oo gumeystihii iyo degayaashii ree Yurub ku khasbeen ineey ka qaxaan badhtamihii qarnigii 17aad. Qabiilada Ponka, Dhegian, Siwoona, Pawnee, Otoee, Missouri iyo Iyoway ayaa ka mid ahaa qabiilada ku dhaqnaa deegaanada Omaha maanta tahay. Xata waxaa la sheegay in magaca Omaha ka yimid ereyga 'Umoⁿhoⁿ ama Umaⁿhaⁿ oo micnaheedu yahay "Degayaashi Cidhifka Webiga", taasi oo la odhan karo waxaa laga waday dadkii deganaa dhinaca webiga Missouri.

Si kastaba ha ahaatee, horaantii sanadkii 1804 ayaa dhidibada loo taagay magaalada Omaha wakhtigaasi oo la dhisay dhismayaashii ugu horeeyay. Sanadihii xigay waxa la sii kordhiyay dhismaha magaalada waxaana la abuuray meherado ganacsi iyo shaqooyin. Waxaa iyadna la aasaasay beero waawayn oo soo saara noocyo badan oo cuntada ah.