OpenAI
| OpenAI | |
| |
| Rekstrarform | Einkarekið |
|---|---|
| Stofnað | 11. desember 2015 |
| Staðsetning | San Francisco, Kaliforníu |
| Lykilpersónur | Bret Taylor (stjórnarformaður), Sam Altman (forstjóri), Greg Brockman (formaður), Mira Murati (tæknistjóri) |
| Starfsemi | Gervigreind |
| Vefsíða | openai.com |
OpenAI er bandarískt gervigreindarfyrirtæki stofnað í desember 2015 og með höfuðstöðvar í San Francisco, Kaliforníu. Markmið fyrirtækisins er að þróa „örugga og gagnlega“ alhliða gervigreind, sem það skilgreinir sem „sterklega sjálfstýrð kerfi sem skara fram úr mönnum í flestum fjárhagslega hagkvæmum störfum“.[1] OpenAI er leiðandi fyrirtæki í gervigreindarbyltingunni sem nú stendur yfir,[2] og er þekkt fyrir GPT-kynslóð risamállíkana, DALL-E-kynslóðina sem býr til myndir úr textalýsingu, og myndbandsgerðartæknina Sora.[3][4] Útgáfa ChatGPT í nóvember 2022 vakti almennan áhuga á sköpunargreind.
Árið 2023 og 2024 stóð OpenAI í margvíslegum málaferlum vegna meintra brota á höfundarétti gegn fjölmiðlafyrirtækjum, þar sem OpenAI hafði nýtt efni fyrirtækjanna til að þjálfa vörur þess.[5] Í nóvember 2023 bolaði stjórn OpenAI forstjóranum, Sam Altman, úr stóli vegna trúnaðarbrests milli Altman og stjórnar, en skipaði hann síðan aftur í forstjórastól fimm dögum síðar eftir samkomulag sem varð til þess að hluta stjórnarinnar var skipt út.[6] Stjórn OpenAI hefur síðan ráðið Lawrence Summers, fyrrverandi fjármálaráðherra Bandaríkjanna, og Paul Nakasone, fyrrverandi yfirmann Þjóðaröryggisstofnunarinnar.
Tilvísanir
[breyta | breyta frumkóða]- ↑ „OpenAI Charter“. openai.com (bandarísk enska). 9. apríl 2018. Afrit af upprunalegu geymt þann 14. júlí 2023. Sótt 11. júlí 2023.
- ↑ „Artificial: The OpenAI Story“. WSJ (bandarísk enska). 10. desember 2023. Afrit af upprunalegu geymt þann 12. desember 2023. Sótt 12. desember 2023.
- ↑ „Models - OpenAI API“. OpenAI. Afrit af upprunalegu geymt þann 19. nóvember 2023. Sótt 19. nóvember 2023.
- ↑ Jindal, Siddharth (16. febrúar 2024). „OpenAI Steals the Spotlight with Sora“. Analytics India Magazine (bandarísk enska). Afrit af upprunalegu geymt þann 20. apríl 2024. Sótt 10. júlí 2024.
- ↑ Indriðason, Hallgrímur (27. desember 2023). „New York Times stefnir OpenAI fyrir brot á höfundarétti - RÚV.is“. RÚV. Sótt 23. ágúst 2024.
- ↑ Gísladóttir, Hólmfríður (22. nóvember 2023). „Altman snýr aftur til OpenAI - Vísir“. visir.is. Sótt 23. ágúst 2024.