Jump to content

Էվանջելին Լիլլի

Վիքիպեդիայից՝ ազատ հանրագիտարանից
Էվանջելին Լիլլի
Ծնվել էօգոստոսի 3, 1979(1979-08-03)[1][2][3] (45 տարեկան)
ԾննդավայրFort Saskatchewan, Edmonton Metropolitan Region, Ալբերտա, Կանադա
ԿրթությունԲրիտանական Կոլումբիայի համալսարան և W. J. Mouat Secondary School?
Քաղաքացիություն Կանադա
Մասնագիտությունդերասանուհի, մոդել, կինոդերասանուհի և ուղեկցորդ
Համատեղ ապրող(ներ)Դոմինիկ Մոնագան

Էվանջելին Լիլլի (անգլ.՝ Evangeline Lilly, ամբողջ անունը` Նիկոլ Էվանջելին Լիլլի (Nicole Evangeline Lilly), օգոստոսի 3, 1979(1979-08-03)[1][2][3], Fort Saskatchewan, Edmonton Metropolitan Region, Ալբերտա, Կանադա), կանադացի դերասանուհի, ով ճանաչում է ձեռք բերել հիմնականում «Կորուսյալները» ամերիկյան հեռուստասերիալում Քեյթ Օսթինի դերակատարմամբ, որի համար ներկայացվել էր «Սատուրն» և «Ոսկե գլոբուս» մրցանակների և ստացել է ԱՄՆ կինոդերասանների գիլդիայի մրցանակը` դրամատիկական սերիալում լավագույն դերասանական կազմի համար[4]։

Կենսագրությունը

[խմբագրել | խմբագրել կոդը]

Էվանջելին Լիլլին ծնվել է Կանադայի Ալբերտա նահանգում գտնվող Ֆորտ-Սասկաչևան քաղաքում։ Մանկությունն անցել է Բրիտանական Կոլումբիայում, որտեղ ապրել է ծնողների և կրտսեր քույրերի հետ։ 18 տարեկանում, քրիստոնեական խմբի հետ մեկնել է Ֆիլիպիններ, մի քանի շաբաթ ապրել ֆիլիպինյան ջունգլիներում[5], եղել աշխարհի 14 երկրներում։ Կրթությունն ստացել է Աբբոտսֆորդ քաղաքում[6]։ Այնտեղ, որպես ուղեկցորդուհի, աշխատել է Royal Aviation ավիաընկերությունում[7], որի արդյունքում տիրապետում է նաև ֆրանսերեն լեզվին[8]։ Բրիտանական Կոլումբիայի համալսարանում, որտեղ նա ուսանում էր միջազգային հարաբերություններ, իր կրթությունը ֆինանսավորելու նպատակով[9], Էվանջելին Լիլլին նկարահանվել է հեռուստագովազդներում, հանդես եկել որպես մոդել։ Նրան, որպես մոդել, հայտնաբերել էր «Ford Models» մոդելային գործակալության աշխատակիցը։ Ստորագրելով պայմանագիր գործակալության հետ, նա տեղափոխվել է Վանկուվեր, որտեղ ելույթներ է ունեցել նորաձևության ցուցադրություններում։

Էվանջելին Լիլլին դրվագային դերերով նկարահանվել է մի քանի հեռուստասերիալներում, սակայն նրա առաջին իրական դերը, որը նրան ճանաչում բերեց, «Կորուսյալները» հեռուստասերիալում Քեյթ Օսթինի դերն էր։ Այդ դերի համար 2006 թվականին նա ներկայացվել է «Ոսկե գլոբուս» մրցանակին` որպես լավագույն դրամատիկ դերասանուհի։ 2009 թվականին նա դարձել է L’Oréal ֆրանսիական ընկերության գովազդային դեմքը[10]։

2008 թվականին նկարահանվել է «Փոթորկի տիրակալը» կինոնկարում։ Ֆիլմն արժանացել է «Օսկար» մրցանակի։ Այնուհետև էլֆուհի Տաուրիելի դերում նկարահանվել է Փիթեր Ջեքսոնի «Հոբիթ. Սմոգի պարապուտը» (2013թ.) և «Հոբիթ. Հինգ զորքերի ճակատամարտը» (2014թ.) ֆիլմերում։ 2015 թվականին Էվանջելին Լիլլին նկարահանվել է «Մարդ-մրջյունը» կինոնկարում, կատարելով Հոուպ Պիմի դերը։

2014 թվականին հրատարակել է իր առաջին «The Squickerwonkers» մանկական գիրքը։ Էվանջելին Լիլլին զբաղվում է բարեգործությամբ և իր հոնորարների մի մասը փոխանցում է բարեգործական հիմնադրամներին։

Անձնական կյանքը

[խմբագրել | խմբագրել կոդը]

2003-2004 թվականներին, Էվանջելին Լիլլին ամուսնացած է եղել կանադացի հոկեյիստ Մյուրրեյ Հոնի հետ[11]։ 2004-2009 թվականների նա հանդիպում էր դերասան Դոմինիկ Մոնագանի հետ[12][13], իսկ 2010 թվականից, «Կորուսյալները» հեռուստասերիալի ռեժիսորի օգնական Նորման Կալիի հետ[14][15]։ Նրանք ունեն երկու երեխա` մեկ որդի (ծնվ. 2011թ.)[16] և մեկ դուստր (ծնվ. 2015թ.)[17]:

Ֆիլմագրությունը

[խմբագրել | խմբագրել կոդը]
Թվական Անվանում Բնօրինակ անվանում Կերպար
2001-2011 Սմոլվիլի գաղտնիքները Smallville աղջիկը կինոթատրոնում
2002 Դատաստանի օրը Judgment Day -
2004 Թագավորական հոսպիտալ Kingdom Hospital Բենսոնի ընկերուհին
2004 Հանգստյան երկար օրեր The Long Weekend Սիմոնա
2004-2010 Կորուսյալները (Ողջ մնալ) Lost Քեյթ Օսթին
2008 Փոթորկի տիրակալը The Hurt Locker Կոննի Ջեյմս
2008 Մահվան պատանդը Afterwards Կլեր
2011 Կենդանի պողպատ Real Steel Բեյլի Տալլետ
2013 Հոբիթ. Սմոգի պարապուտը The Hobbit: The Desolation of Smaug Տաուրիել
2014 Հոբիթ. Հինգ զորքերի ճակատամարտը The Hobbit: The Battle of the Five Armies Տաուրիել
2015 Մարդ-մրջյունը Ant-Man Հոուպ Պիմ
2018 Մարդ-մրջյունը և Կրետը Ant-Man and the Wasp Հոուպ վան Դայն, Կրետ

Ծանոթագրություններ

[խմբագրել | խմբագրել կոդը]
  1. ↑ 1,0 1,1 L'Encyclopédie canadienne, The Canadian Encyclopedia
  2. ↑ 2,0 2,1 Internet Speculative Fiction Database — 1995.
  3. ↑ 3,0 3,1 Munzinger Personen (գերմ.)
  4. ↑ «Evangeline Lilly Profile». The New York Times.
  5. ↑ «A Spiritual Biography of Evangeline Lilly». ReligionFacts.com.
  6. ↑ Heyman, Marshall (2009 թ․ հունիս). «Evangeline Lilly Uncensored». Women's Health.
  7. ↑ «Sundance Interview: Evangeline Lilly for "Afterwards"». 2009 թ․ փետրվարի 2. Արխիվացված է օրիգինալից 2012 թ․ մարտի 15-ին. Վերցված է July 19 2009-ին. {{cite web}}: Unknown parameter |dateformat= ignored (օգնություն)
  8. ↑ Evangeline Lilly speaking French with a Quebecer accent
  9. ↑ «About Evangeline Lilly». Yahoo. Արխիվացված է օրիգինալից 2013 թ․ մայիսի 17-ին.
  10. ↑ «Spletnik — Фрида Пинто и Эванджелин Лилли — «лица» L`Oreal». Արխիվացված է օրիգինալից 2009 թ․ սեպտեմբերի 1-ին. Վերցված է 2017 թ․ հուլիսի 26-ին.
  11. ↑ Gould, Lara.Exclusive: I Got So Famous I Nearly Lost It, Sunday Mirror (19 ноября 2006). Проверено 26 мая 2008.
  12. ↑ «Spletnik — Эванджелин Лилли и Доминик Монахан женятся». Արխիվացված է օրիգինալից 2012 թ․ փետրվարի 11-ին. Վերցված է 2017 թ․ հուլիսի 26-ին.
  13. ↑ Эванджелин нашла любовь…и снова благодаря LOST — Новость из фан-клуба Эванджелин Лилли (Evangeline Lilly) — Фан ПАРТИя(չաշխատող հղում)
  14. ↑ «Evangeline Lilly Dating 'Lost' Production Assistant? | Showbiz Spy — celebrity news, rumors & gossip». Արխիվացված է օրիգինալից 2010 թ․ մայիսի 30-ին. Վերցված է 2017 թ․ հուլիսի 26-ին.
  15. ↑ «Evangeline Lilly's Lost Loves | Hollywood Heartbreaker | Dominic Monaghan». Արխիվացված է օրիգինալից 2016 թ․ մարտի 4-ին. Վերցված է 2017 թ․ հուլիսի 26-ին.
  16. ↑ «It's Lost hours of sleep for Evangeline Lilly as she gives birth to a baby boy» (անգլերեն). Daily Mail Reporter. 23rd May 2011. Արխիվացված օրիգինալից 2012 թ․ մարտի 15-ին. Վերցված է 2011 թ․ մայիսի 23-ին.
  17. ↑ «Evangeline Lilly Welcomes Second Child, Rocks Post-Baby Body in Bikini». Արխիվացված է օրիգինալից 2015 թ․ հոկտեմբերի 24-ին. Վերցված է 2017 թ․ հուլիսի 26-ին.
Վիքիպահեստն ունի նյութեր, որոնք վերաբերում են «Էվանջելին Լիլլի» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Էվանջելին_Լիլլի&oldid=9793206» էջից