Cjistiel di Udin
Il Cjistiel di Udin al è un dai monuments plui impuartants da la citât. Al si cjate insomp dal cuel di Udin, intune posizion ideâl parcè che di lì si viôt dut il Friûl, dai monts insin al mâr.
Storie
[cambie | modifiche il codiç]Il cjistiel si cjate dulà che prime al jere une altre fuartece, edificade dai Patriarcjis di Aquilee e distrute dal taramot dal 1511. La struture che si pues viodi al dì di vuê e je dal 1517, e la grande scjalinade de bande dal plaçâl e fo costruide tal zîr di cincuante agns, cul contribût di Zuan di Udin.
Intal salon dal parlament si dave dongje il parlament de Patrie dal Friûl, un dai prins esemplis di chest gjenar tal mont, fin te dominazion di Napoleon.
Cu le jentrade de citât di Udin intal Ream Lombart-Venit, il cjistiel al deventà di gnûf la sede de aministrazion locâl. Daspò de fin des vueris di indipendence — cuant che al fo utilizât come galere — al deventà proprietât dal stât talian, e in tal 1906 sede dal museu de citât.
Il museu
[cambie | modifiche il codiç]Il cjistiel al è la sede dai museus dal Comun di Udin: al dì di vuê a son presints une pinacoteche, il museu archeologjic e numismatic, il museu dal Risuriment e une fototeche.
Il museu al da acet ancje a mostris e events temporaniis.
Curiositâts
[cambie | modifiche il codiç]Il cjistiel al è une vore famôs in dute la regjon par la cjançon popolâr Oh ce biel cjscjel a Udin.