Joe Biden

Joseph Robinette Biden Jr. (si ko innde makko timmunde nder) ko hooreejo 46 aɓo Dowlaaji Dentuɗi gila hitaande 2021.

O jibinaa ñannde 20 lewru jolal (nuwambar) e hitaande ndunngu alif 1942 to Scranton (ca'el Pensilwaniya, Dowlaaji Dentuɗi). O laatino kadi cukko hooreejo leydi ndin gila ñannde 20 siilo (yunaayiru) 2009 haa 20 siilo 2017 feewndo laamu hooreejo leydi kiɗɗo oo Barack Obama. Fedde makko ɗowoodi ndee ko fedde demokaratik. Gila ñannde 20 siilo o toɗɗaa hooreejo leydi USA walla Dowlaaji Dentuɗi^[1].

Nguurndam makko e ɗatal makko baŋŋe meccal

Joe Biden ko janngunooɗo taariika (daartol) e anndal ɗowoodi, refti o janngi anndal sariyaaji, o golli golle laabiyanke^[2].

Iwde 1966 haa 1972 Joe Biden no resunoo debbo inneteeɗo Neilia Hunter^[3]^[4]. Eɓe dañidunoo ɓiɓɓe tato, ɓiɓɓe worɓe ɗiɗo e ɓiɗɗo debbo gooto kono jom-suudu makko e ɓiɗɗo debbo on faatino e hitaande 1972 e masiibo otooji. O resuno fahin debbo goɗɗo no wi'ee Jill Tracy Jacobs, ɗum ko e 1977. Ɓe dañiduno ɓiɓɓe rewɓe ɗiɗo.

Ɗatal makko baŋŋe ɗowoodi

1973-2009 Joe Biden laatino senateerjo dowla Delaware.
1987 Biden laatino yaltanɗo laamu wonande Fedde Demokaratik ndee kono o accituno caggal jonte jeego'o.
2007 Biden fokkitanno fahin yaltangol ɗaɓɓere ko'aaku leydi kono o heɓaano ko Barack Obama heɓunoo.
2009-2016 o laatii cukko hooreejo leydi oo Barack Obama.
2020 Joe Biden toɗɗaa ɗaɓɓoowo laamu wonande Fedde Demokaratik ndee ngam wonude hooreejo Dowlaaji Dentuɗi. E jolal 2020 o fooli Donald Trump e suɓngooji ɗii.
2021 Joe Biden toɗɗaa hooreejo leydi USA.

Himobe

[1] ttps://www.nytimes.com/2023/10/10/us/politics/biden-israel-hamas.html

[2] ttps://en.m.wikipedia.org/wiki/Biographical_Directory_of_the_United_States_Congress

[3] ttps://en.m.wikipedia.org/wiki/Joe_Biden#CITEREFWitcover2010

[4] ttps://web.archive.org/web/20200520012620/https://www.witn.com/home/headlines/81062772.html

[1]

[2]

[3]

[4]