Polizia Ameriketako Estatu Batuetan

Ameriketako Estatu Batuetan polizia zigor arloko justizia sistemaren hiru adarretako bat da auzitegi eta presondegiekin batera. AEBetan polizia agentziek hainbat motatako zereginak betetzen dituzte. Bai eskumen-eremuari dagokionez, bai funtzioei dagokienez.

Polizia motak

Federala

FBIko artezilarien furgoneta

AEBetan polizia federalak polizia nazionalaren eskumen guztiak ditu. Herrialde guztian du eskumena. Bere agindupean polizia agentzia gehien dituena Ameriketako Estatu Batuetako Justizia Saila da. Honek bere barnean hartzen ditu:

• Alkohol, Tabako, Arma eta Lehergailu Bulegoa (ATF)
• Drogen Aurkako Agentzia (DEA)
• Ikerketa Bulego Federala (FBI)
• Kartzela Bulego Federala (BOP)
• Presozain Zerbitzua (USMS)

Bestalde Segurtasun Nazionalerako Sailak honakoa hartzen ditu:

• Aduanazaintza (CBP)
• Immigrazio eta Aduanen Agentzia (ICE)
• Isilpeko Zerbitzuak (USSS)
• Kostazainak (USCG)
• Larrialdiak Kudeatzeko Agentzia Federala (FEMA)

Estatukoa

Kaliforniako Autobide Patruilako agentea lanean

Estatu poliziak herrialdeko estatu bakoitzeko gobernuak zuzentzen duen lurralde polizia agentzia da. Eskumenak estatu bakoitzera daude mugatuta. Estatuaren arabera estatu polizia, estatu patruila edo autobide patruila izendapena erabiltzen dute.

Ikus zerrenda: «Ameriketako Estatu Batuetako Estatu Poliziak»

Konderrikoa

Montgomeryko konderriko sheriffaren autoa

Konderri, auzotegi (Alaskan) edo parrokia (Luisianan) bakoitzaren baitan dagoen polizia agentziak dira. Polizia agentzia hauek herri txikietan egoten dira eta hainbat herri biltzen dira polizia agentzia bera sortzeko. Bi motatakoak daude:

• Konderriko Polizia: Metropolitar gune handietarako.
• Sheriffaren Saila edo Sheriff's Department: Hianbat herri txiki biltzen dira polizia agentzia berearen agindupean.

Udalerrikoa

NYPDeko agenteak Manhattanen

Udalerriko poliziak, Euskal Herriko udaltzaingoaren parekoak izan daitezke. Normalean, hiri handiek izaten dute udal polizia hau. Ezagunenen artean New Yorkeko Polizia Departamendua (NYPD) eta Los Angelesko Polizia Departamendua (LAPD) ditugu. Polizia hauek era honetan izendatzen dira: (Udalerriaren Izena) Police Department.

Bestelakoak

Delawareko Unibertsitateko Polizia

Badaude beste maila bateko polizia ere. Hauek garraiobideen zainketarako, parkeetarako, portuetarako, aireportuetarako, campusetarako etab. erabiltzen dira. Hauetako asko pribatuak izaten dira eta ez ditu gobernuak kudeatzen.

Polizia izateko baldintzak

AEBetan polizia izateko baldintzak Ameriketako Estatu Batuetako Justizia Sailak ezartzen ditu. Hauek dira bete beharreko baldintzak:

• Estatubatuar herritartasuna izatea.
• Eskolako graduatua edo maila altuagoko titulazioa izatea.
• Egoera fisiko eta psikologiko onean izatea.
• Polizia-aurrekaririk ez izatea.
• Baliozko gida-baimena edukitzea eta gidatze-aurrekaririk ez izatea.
• Moral altua izatea.
• Narkotiko, marihuana edo alkoholismo historialik ez izatea.
• Aurretik edonolako arrazoiak direla eta, finantza, etika edo lanaren erlazionatutako arazorik ez izatea.
• Buruko gaixotasunik edo genero biolentzian aurrekaririk ez izatea.
• Segurtasunerako arriskutsua ez izatea.
• Legalki su-arma bat edukitzeko onartua izatea.

Kanpo estekak

• Datuak: Q1365622
• Multimedia: Law enforcement in the United States / Q1365622