Untàri
|
C'l artìcul chè 'l è scrit in
Miranduléś |
'L Untàri (Ontario in ingléś, a s lèś /ˌɑn.ˈtɛə.ɹi.oʊ/) 'l è na pruìnsa dal Cànada ch'la s cata in dal sud-èst dal paéś. Al sò mòt in latìn 'l è „Ut incepit fidelis sic permanet“ (Fedēl cum 'l à tacâ, acsè 'l armàgn). 'L è grand 1.076.395 km² e 'l mùcia sù trédas migliòṅ e mèś 'd abitànt, un tèrs a 'l incìrca 'd qvéi dal paéś. Al fà part dla cunfederasiòṅ da 'l 1867.
Al cunfìna a sud c'n i Stat Unî (Minneśòta, Mìchigan, Ohio, Pennsylvania e Stat ad New York), a òvest c'n al Manitòba, a èst c'n al Quebec e a nòrd cun la Baja 'd Hudson.
Al sò caplōg 'l è Turònt, sità ad dū migliòṅ e òt 'd abitànt, pò a vîṅ Ottawa ch'la 'n fà sù 'n migliòṅ esénd anc la capitàł dal stat.
A 'l sò intér'n al gh'à quàtar lâg 'd àqua dólsa dimóndi grand: al lâg Superiōr, al lâg Huron, al lâg Erie e 'l lâg Untàri in du a gh'è Turònt. A 'l cunfîṅ c'n al Stat ad New York a gh'è 'l cascàdi dal Niagàra.
La sò ecunumìa la pōl cuntàr su l'indùstria (màchini, fèr, aśàł e tecnulugìa élta) e 'l sò PIL 'l è òṅ 'd qvéi più grand a 'l mónd.
.svg){kind=small}