Эванджэлін Лілі

Эванджэлін Лілі
Дата нараджэння	3 жніўня 1979(1979-08-03)[…] (45 гадоў)
Месца нараджэння	Форт-Саскачэван, Edmonton Metropolitan Region[d], Альберта, Канада
Грамадзянства	Канада
Адукацыя	Універсітэт Брытанскай Калумбіі W. J. Mouat Secondary School[d]
Прафесія	актрыса, мадэль, кінаактрыса, сцюардэса
IMDb	ID 1431940
Медыяфайлы на Вікісховішчы

Ніколь Эванджэлін Лілі (англ.: Evangeline Lilly; 3 жніўня 1979, Форт-Саскачэван, Альберта, Канада) — канадская актрыса. Найболей вядомая дзякуючы ролі Кейт Осцін у драматычным серыяле тэлеканала ABC «Згубленыя».

Кар'ера

Перад тым як пачала здымацца ў «Згубленыя», Лілі працавала сцюардэсай, афіцыянткай. Для фінансавання сваёй адукацыі яна здымалася ў тэлерэкламе і займалася мадэльнай працай, хоць ніколі не лічыла сябе мадэллю.

Як мадэль яе адкрыла знакамітае мадэльнае агенцтва «Форд», менеджар якога ўбачыў Эванджелін Лілі на вуліцы горада Келоўна ў Брытанскай Калумбіі. Яна падпісала кантракт з агенцтвам і пераехала ў Ванкувер, дзе выступала на паказах мод, зарабляючы грошы на аплату вучобы на факультэце міжнародных адносін ва ўніверсітэце Брытанскай Калумбіі.

У 2003 мімаходам з'явілася ў маленькай эпізадычнай ролі школьніцы ў фільме «Фрэдзі супраць Джэйсана», таксама прамільгнула ў некалькіх эпізодах серыяла «Таямніцы Смолвіля». А ў 2004 была заўважана ў серыяле «Каралеўскі шпіталь» (Kingdom Hospital). Аднак, першая яе сапраўдная «размаўлялая» роля была ў «Згубленыя». Яе адкрыў агент Джэф Палфі, які раней працаваў у Ford Models, і згуляў важную ролю ў гэтым серыяле.

Лілі ледзь было не пазбавілася ролі Кейт Осцін у самым пачатку з-за таго, што не магла досыць хутка атрымаць працоўную візу ў ЗША. Дырэктары па кастынгу ўжо пачалі новы адбор прэтэндэнтак на гэту ролю, але ўсё ж віза была атрымана, і Эванджэлін Лілі шчасна прыехала на здымачную пляцоўку, спазніўшыся на адзін дзень.

У 2004 зарплата Ліллі складала $80,000 за эпізод. За сваю ролю ў «Згубленыя» яна была намінавана на Breakout Stars 2004 па версіі часопіса Entertainment Weekly і 14 снежня 2006 была намінавана на «Залаты глобус» як Лепшая драматычная актрыса.

Калі Лілі скончыць здымкі ў «Згубленыя», яна плануе спыніць акцёрскую дзейнасць і працягнуць сваю кар'еру ў якасці гуманітарнага працаўніка; аднак, яна не выключае вяртання да тэлебачання ў нейкі момант у будучыні.

У 2009 Эванджэлін Лілі стала рэкламным тварам кампаніі L’Oréal.

Асабістае жыццё

Эванджэлін Лілі была замужам за канадскім хакеістам Муры Хорнам.

У 2004 на здымачнай пляцоўцы закахалася ў акцёра Дамініка Монагана, выканаўцы роля Чарлі ў серыяле «Згубленыя», і яны пачалі сустракацца. Па чутках, па хуткім часе збіраюцца пажаніцца.