Georgi Lwof

	Georgi Lwof; Георгий Львов
	;
	1ste Voorsitter van die Russiese Voorlopige Regering
	Ampstermyn; 15 Maart 1917 – 21 Julie 1917
Voorafgegaan deur	Amp geskep; de facto:; Nikolaas II (tsaar van Rusland)
Opgevolg deur	Aleksander Kerenski
Minister van Binnelandse Sake
	Ampstermyn; 15 Maart 1917 – 21 Julie 1917
Eerste minister	Homself
Voorafgegaan deur	Alexander Protopopof
Opgevolg deur	Nikolai Awksentief
Eerste minister van Rusland
	Ampstermyn; 15 Maart 1917 – 21 Julie 1917
Voorafgegaan deur	Nikolai Golitsyn
Opgevolg deur	Aleksander Kerenski
Persoonlike besonderhede
Gebore	Georgi Jewgenjewitsj Lwof; (Георгий Евгеньевич Львов); 2 November 1861 ; Dresden, Koninkryk Sakse, Duitse Bond
Sterf	7 Maart 1925; Parys, Frankryk
Politieke party	Grondwetlike Demokratiese Party

Prins Georgi Lwof (Russies: князь Георгий Львов) (2 November 1861 – 7 Maart 1925) was ’n Russiese staatsman en ná die era van die tsaars die land se eerste eerste minister, van 23 Maart tot 7 Julie 1917.

Voor die rewolusie

Prins Lwof is in Dresden, Duitsland, gebore as afstammeling van die grootprinse van Jaroslawl. Sy gesin het kort ná sy geboorte van Duitsland na Popofka in the Aleksin-streek getrek. Hy het sy regsgraad aan die Moskouse Staatsuniversiteit behaal en tot in 1893 in die staatsdiens gewerk. Tydens die Russiese-Japannese Oorlog het hy by die liberale Konstitusionale Demokratiese Party aangesluit en is kort daarna tot die Doema verkies. In 1915 het hy voorsitter van die Al-Russiese Unie van Zemstwo's geword.

Ná die rewolusie

Ná die Februarie-rewolusie en die abdikasie van tsaar Nikolaas II het hy voorsitter van die Russiese Voorlopige Regering geword. Weens onvoldoende steun het hy in Julie 1917 bedank ten gunste van sy minister van justisie, Aleksander Kerenski. Lwof is gearresteer toe die Bolsjewiste later dié jaar die mag oorgeneem het. Hy het ontsnap en na Parys, Frankryk, gevlug waar hy tot met sy dood gewoon het.

Verwysings

Hierdie artikel is merendeels vertaal vanaf die Engelse Wikipedia-artikel en:Georgy Lvov

Eksterne skakels

Meer oor Lwof (Russies) Geargiveer 3 Januarie 2006 op Wayback Machine
Aleksin-museum van Kuns en Streekstudies (Russies)
Uitgewer van Lwof se biografieë (Russies)