BBC News, پښتو - کور پاڼه

مهم خبرونه

د ونډو بازار کې ګډوډي: دا حالت به پر تاسو څه اغېز ولري؟
په ټوله نړۍ کې وروسته له هغه د ونډو بازارونه راولوېدل چې د امریکا ولسمشر ډونلډ ټرمپ پر ګڼ هېوادونو نوې تعرفې ولګولې. ډېری خلک اندېښمن دی چې دا وضعيت به د دوی پر ژوند څه اغېز وکړي. د دوشنبې او سې شنبې په ورځو د شانګهای، توکيو، سېډني او هانګ کانګ د ونډو بازارونه په هغه اندازه راپرېوتل چې په تېرو لسيزو کې يې ساری نه و ليدل شوی.
۷ دقیقې وړاندې
د ټرمپ ادارې د افغانستان په ګډون ۱۴ هېوادونو سره د بشري ‌مرستو بندېدو پرېکړه کړې
رویټرز خبري اژانس وايي، د ډونلډ ټرمپ اداره د افغانستان په کډون د نړۍ له شاوخوا ۱۴ هېوادونو سره د امریکا لخوا د بشري مرستو پاتې برخه هم 'تر ډېره' پای ته رسوي. د امریکا د نړیوالې پراختیايي ادارې (یواېس ایډ) د بشري چارو ادارې پخوانۍ مشرې سارا چارلېس او نهو نورو سرچینو چې رویټرز وايي شپږ پکې د امریکا د بشري مرستو برخې برحاله چارواکي دي، د دې موضوع پخلی کړی دی. د خوړو نړیوال پروګرام (ډبیلو اېف پي) پر دې ژوره خواشیني ښودلې او ویلي یې دي چې د امریکا لخوا د بشري مرستو بندېدل د میلیونونو کسانو لپاره چې پر دغو مرستو پايي، پر مرګ د محکومېدو مانا لري.
۱۹ وری ۱۴۰۴ - ۸ اپریل ۲۰۲۵
طالبان: تېر کال لسګونه زرو بهرنیانو افغانستان ته سفر کړی دی
د طالبانو حکومت د احصایې او معلوماتو ملي اداره وايي، په ۱۴۰۳ هجري لمریز کال کې د هوايي ډګرونو او ځمکنيو بندرونو له لارې یې افغانستان ته له ۳۴ زرو ډېرو بهرنيو وګړو تګ راتګ ثبت کړی دی. د احصایې او معلوماتو ادارې له خوا خپرې شوې شمېرې ښيي، تېر کال د ۵۹۸ ښځینه‌وو په ګډون ۱۸ زره او ۸۴۶ بهرنيو وګړو افغانستان ته سفر کړی دی. دوی دا هم وايي، د ۳۸۲ ښځو په ګډون ۱۵ زره او ۵۶۵ تنه له هېواده وتلي دي. له دې شمېرې ۱۸ زره او ۳۹۲ تنه د ځمکې له لارې او ۴۵۴ تنه نور د هوا له لارې افغانستان ته ورغلي دي.
۹ ساعتونه وړاندې
نړۍ کې د اعدامونو شمېر تېرو لسو کلونو کې تر ټولو لوړې کچې ته رسېدلی
د بښنې نړیوال سازمان وايي چې په تېر ۲۰۲۴ کال نړۍ کې د اعدامونه کچه پام وړ شوې وه. د اعدام د حکمونو او تطبیق په اړه د دې نادولتي موسسې په وروستي رپوټ کې راغلي چې په ۲۰۲۴ کال کې ټولټال ۱۵۱۸ کسان اعدام شوي دي، چې د ۲۰۲۳ کال پرتله ۳۲ سنله ډېروالی ښيي. دا په داسې حال کې ده چې د مرګ سزا د پلي کوونکو هېوادونو شمېر یو څه کم شوی دی.
۱۹ وری ۱۴۰۴ - ۸ اپریل ۲۰۲۵
په لومړي ځل هلمند ولایت کې د کرېکټ رسمي کورنۍ سیالۍ کېږي
د افغانستان په هلمند ولایت کې د مېرویس نېکه په نوم د کورني کرېکټ لومړۍ رسمي لوبې کېږي. لومړۍ لوبه د مس عینک او امو لوبډلو ترمنځ ده. د میرویس نېکه درې ورځنۍ سیالیو غوره لوبغاړي د افغانستان لېست اې او احمدشاه ابدالي لومړۍ درجې سیالیو ته لار مومي.
۱۹ وری ۱۴۰۴ - ۸ اپریل ۲۰۲۵