司馬燕被揭患胃癌細節曾被勸戒做一事！家族多人未夠53歲已離世 割胃後失平衡感
發佈時間：13:55 2024-11-13
曾參選香港小姐、婚後息影的司馬燕生前活躍於「Ball場」，是名人社交圈常客。司馬燕2012年患上胃癌第三期，雖接受割胃手術後一度抗癌成功，但後來復發，最終癌細胞轉移到其他器官，導致腸腎衰竭和膽管閉塞離世，終年51歲。日前司馬燕生前好友、前港姐鍾慧冰拍片分享司馬燕抗癌細節，透露司馬燕家族有多人患胃癌離世。
相關閱讀：司馬燕26歲混血兒子吳澋滔變成熟俊男 曾是童星與影帝爭獎
鍾慧冰分享司馬燕抗癌細節：
司馬燕生前與鍾慧冰份屬好友，大家不時結伴出席社交活動，又為不少上流舞會、宴會做搞手。鍾慧冰日前在其YouTube頻道「冰姐的花樣人生」中談及與司馬燕的友情，亦透露不少司馬燕患癌及抗癌的細節。鍾慧冰指，司馬燕發現患癌經過，「我記得有一年，佢好似上北京睇佢啲屋，同埋佢老公又話準備喺北京調返香港，跟住冇耐就話唔舒服，就知道佢有胃癌，要入醫院割胃。」
鍾慧冰曾勸司馬燕戒酒
鍾慧冰表示，當時司馬燕患癌時約50歲，她曾勸司馬燕不要再飲酒，「因為佢飲酒都幾犀利，當時佢好後生就已經同我哋講『我飲酒你哋唔好擔心，我屋企（家人）不嬲都有胃癌史，我爸爸、哥哥同兩個家姐都唔過53歲就走咗，所以我都覺得自己好危』。」
司馬燕大仔近照曝光：
割胃手術後有好多副作用
鍾慧冰指司馬燕做完割胃手術後產生很多副作用，「瘜肉增生啦，又壓於個膀胱，於是佢又要入醫院做手術，又要駁尿管。同埋最慘係，原來你割咗個胃之後，原來你個身就唔可以平衡，瞓覺時候就唔可以平躺喺床，要瞓啲特製床係打斜嘅。」而進食方面亦好辛苦，不過鍾慧冰則非常佩服司馬燕樂觀性格，大讚她非常堅強，「佢做化療，唔可以染頭髮，頭髮就開始變灰白色，佢就好前衛，即刻剪咗個黑白雙間嘅頭髮，好型。」當時司馬燕終於戒酒，改為養成有飲羅漢果水的習慣，更笑指顏色似白蘭地，把它當成酒。司馬燕身體許可時也積極做情緒講座，鍾慧冰說：「佢好積極講畀人聽一定唔可以自殺，佢話生命係好難擁有，所以一定要珍惜，要積極面對自己人生。我記得佢差唔多要走嘅時候，身體都好弱，佢話佢冇影過婚紗相，佢一定要全家人一齊……着一次婚紗，好好地影一輯全家福，咁佢真係呼朋喚友喎，仍然好積極開派對，去咗歐洲一個古堡，影咗一輯婚紗相。」
親友開派對懷緬司馬燕
鍾慧冰指司馬燕曾表示如果她離世，她希望大家不要傷心，要為她舉行盛大派對，要在派對上為她唱歌、跳舞、飲酒。最終鍾慧冰等一眾好友及司馬燕的親人都依司馬燕的遺願，出席由司馬燕老公吳忠義為亡妻舉行了的派對，出席的人都收到印有司馬燕照片及語句的酒，眾人飲酒作樂懷緬司馬燕。
其他文章：
