Rosten er den tronge, bratte og aude strekninga av Gudbrandsdalen på grensa mellom Sel og Dovre kommunar, Innlandet. I dalen går E6 og Dovrebanen. Veg til Høvringen tek av frå E6 her.
Ein del av den bratte, vestvendte lia på austsida av Lågen er verna som naturreservat, Høvringslia naturreservat.
Synfaring under bygging av Rosten kraftverk før det vart sett i drift.
Rosten kraftverk, som har ein installert effekt på 80 MW og netto fallhøgd på cirka 100 meter, vart sett i drift i 2018. Inntaksbassenget er ein betongdam, 95 meter lang og med ei største høgd på 20 meter. Vatnet blir ført i ein fire km lang tunnel til kraftverket, som ligg i fjell i Nord-Sel. Årsproduksjonen til kraftverket er på cirka 192 GWh. Rosten kraftverk er eigd av Hafslund og Eidefoss.
Utbygginga har redusert den tidlegare middelvassføringa gjennom Rostengjelet til 20–40 prosent av den naturlege.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.