Հարություն Ղարագյոզյան

Հարություն Ղարագյոզյան;
Ծնվել է	մայիսի 1, 1959
Ծննդավայր	Երևան, Հայկական ԽՍՀ, ԽՍՀՄ
Մահացել է	հոկտեմբերի 7, 2018 (59 տարեկան)
Մահվան վայր	Երևան, Հայաստան
Քաղաքացիություն	ԽՍՀՄ և Հայաստան
Կրթություն	Երևանի պետական համալսարան
Մասնագիտություն	քաղաքական գործիչ, իրավաբան և տնտեսագետ
Զբաղեցրած պաշտոններ	Հայաստանի Ազգային ժողովի պատգամավոր
Կուսակցություն	Հայաստանի Հանրապետական կուսակցություն

Հարություն Արփիարի Ղարագյոզյան (առավել հայտնի՝ որպես Կարամելի Հարութ, մայիսի 1, 1959(1959-05-01), Երևան, Հայկական ԽՍՀ, ԽՍՀՄ - հոկտեմբերի 7, 2018(2018-10-07), Երևան, Հայաստան), հայ քաղաքական գործիչ, տնտեսագետ, իրավաբան, գործարար^[1]։ Եղել է Ազգային ժողովի 1-ին, 2-րդ, 3-րդ և 4-րդ գումարումների պատգամավոր, ՀՀԿ, ապա ԲՀԿ կուսակցությունների անդամ։

Կենսագրություն

1986 թվականին ավարտել է Երևանի ժողովրդական տնտեսության ինստիտուտը, 2000 թվականին՝ Երևանի պետական համալսարանը։

Քաղաքական գործունեություն

1990-1995 թվականներին թիվ 4 ընտրատարածքից եղել է Գերագույն Խորհրդի պատգամավոր։ 1995-1999 թվականներին նույն ընտրատարածքից եղել է 2-րդ գումարման ԱԺ պատգամավոր։ 1999-2003 թվականներին թիվ 23 ընտրատարածքից եղել է 3-րդ գումարման ԱԺ պատգամավոր։ 2003 թվականին թիվ 12 ընտրատարածքից ընտրվել է 4-րդ գումարման ԱԺ պատգամավոր։ Եղել է ԱԺ պետական-իրավական հարցերի մշտական հանձնաժողովի անդամ^[1]։

Մահ

2018 թվականի հոկտեբերի 6-ին Նորք-Մարաշ վարչական շրջանում սպանվել է ԱԺ նախկին պատգամավոր Կարո Կարապետյանը (Յուվեցի Կարո)^[2]։ Սպանության մեջ մեղադրվող Հարություն Ղարագյոզյանի դին մեկ օր հետո հայտնաբերվել է Զովունիում՝ գլխի շրջանում հրազենային վնասվածքով։ Նախնական վարկածով տեղի ունեցածն ինքնասպանություն է^[3]։

Ծանոթագրություններ

[parliament-1] 1,0 ^1,1 «Հարություն Արփիարի Ղարագյոզյանy Ազգային Ժողովի պաշտոնական կայքում».

[2] ««Յուվեցի Կարո»-ն սպանվել է հացատանը. կա նաև վիրավոր. մանրամասներ». aravot.am. 06.10.2018.

[3] «Հայտնաբերվել է նախկին պատգամավոր Կարամելի Հարութի դին՝ գլխի շրջանում հրազենային վնասվածքով». 07/10/2018.

[1]

[2]

[3]