Gwelet an tarzh evit Irak

{| class="infobox" style="font-size:95%;"
|-
| {{Infobox/Titl|''' جمهورية العراق<br>Jumhuriyat Al ‘Iraq<br>'''كۆماری عێراق'''<br>'''Komara Iraqê'''|abcdef|talbenn map|000}}
| align="center" colspan="2"|
{| border=0 cellpadding=2 cellspacing=0 style="background:#f9f9f9; text-align:center;"
| width="130px"| [[Restr:Flag of Iraq.svg|125px|Banniel Iraq]] || align=center width=130px| [[Restr:Coat of arms of Iraq (2008–present).svg|80px|Ardamezioù Jorjia]]
|-
| width="130px"| [[Banniel]] || align=center width=130px| [[Ardamezouriezh|Ardamezioù]]
|}
|-
| align="center" colspan="2" | '''[[Ger-stur]]'''<br>''[[Takbir|Allahu Akbar]]''&nbsp;"Meur eo an doue"
|-
| align="center" colspan="2" style="background:#f9f9f9;" | [[Restr:LocationIraq.png|280px]]<br>Lec’hiadur Iraq
|-
|'''[[Yezh ofisiel|Yezhoù ofisiel]]''' ||[[Arabeg]]<br>[[Kurdeg]]
|-
|'''Yezhoù rannvroel''' || [[Yezhoù aramaek ar reter|Aramaeg]]<br>[[Azerieg]]
|-
|'''[[Kêr-benn]]''' || [[Baghdad]]
|-
|'''Dizalc'h''' || {{Deiziad|3|Here|1932}} 
|-
|'''Statud politikel''' || Demokratelezh<br>parlamantel
|-
|'''Prezidant''' || [[Barham Salih]]
|-
|'''Ministr kentañ''' || [[Mustafa Al-Kadhimi]] 
|-
|'''[[Gorread]]'''<br />-En holl <br />-% dour
| <br />438,317 km² <br />1.1%
|-
|'''[[Poblañs]]''' <br /> - [[2005]] war-dro<br /> - [[Stankter ar boblañs]]
| <br /> 28,807,000 <br />66/km²
|-
|'''[[Moneiz]]''' || [[Dinar Iraq]]
|-
| '''[[Kan broadel]]''' || ''[[Mawtini]]''
|-
| '''[[Devezh ar vro]]''' ||
|-
| '''[[Kod war ar Genrouedad]]''' || [[.iq]]
|-
| '''[[Kod pellgomz]]''' || 964
|-
|}
'''Irak'''<ref>Levr Istor-Geografiezh, 6<sup>vet</sup>, [[Ti-embann ar skolioù|TES]].</ref>, pe '''Iraq'''<ref>[[Geriadur brezhoneg An Here]], 2001, p. 1430.</ref> (''Al ‘Irāq'' العراق), zo '''Republik Irak/Iraq''' (''al Jumhūrīyah al `Irāqīyah'' الجمهورية العراقية) stumm hir hec’h anv. En norzh d'al [[ledenez arab]] emañ ar vro-mañ ha [[Baghdad]] eo ar gêr-benn anezhi. [[Muzulmaned]] (chiited ha sunnited) eus ar [[Reter-Nesañ]] eo an darn vrasañ eus an dud zo o chom enni, met kristenien a gaver niveruzik ivez. [[Arabed]], [[Kurded]] ha [[Turkomaned]] eo ar pobloù niverusañ. Aloubet e oa bet gant ar [[Stadoù-Unanet Amerika|Stadoù-Unanet]] e 2003, met e dibenn ar bloaz [[2001]] e tlefe ar soudarded amerikan bezañ aet kuit, nemet hag un emglev nevez a vefe kavet.

En em ledañ a ra Irak war al lodenn vrasañ eus [[Mezopotamia]], unan eus kevell ar sevenadur. War ribloù ar stêr [[Eufratez]], a dremen dre [[Baghdad|Vaghdad]], e oa bet krouet ar skritur 3 000 bloaz zo.

E-pad pell amzer e voe an tiriad-se ul lodenn eus an [[Impalaeriezh otoman]]. Aloubet e voe gant ar [[Rouantelezh-Unanet]] e deroù an {{XXvet kantved}}. Start e oa bet an traoù evit an alouberien peurliesañ.

Goude [[taol-Stad]] [[Saddam Hussein]], penn ar [[strollad Baath]], e [[1979]] e oa bet tri brezel ma oa bet lazhet miliadoù a dud. Gwaskerezhioù gwadus, en o zouez gwaskerezhioù a-enep ar Gurded hag ar chiited, a oa bet ivez hag e-pad an dek bloavezhiad embargo. Torret e oa bet e renadur [[likelezh|lik]] e 2003 gant ar Stadoù-Unanet. Abaoe an aloubidigezh-se ez eus [[brezel diabarzh]] en Iraq, ma vez stourmet ouzh an alouberien, ma vez taolioù spont ha ma stourm ar Sunnited, ar Chiited, ar Gurded an eil ouzh egile.

En eil plas emañ Irak evit an niver a viradoù tireoul er bed a-bezh hag ezel eo eus an [[OPEP|ABET]] (ABET : Aozadur ar Broioù a Ezporzh Tireoul).

''Gwelet ivez ar pennad [[Brezel Irak]] (2003-2011).''

== Istor ==
Irak zo kavell ar sevenadur sumerian (IIIe milved a-raok Jezuz-Krist). Eno e voe krouet ar skritur hag e oa bet kempennet an doureier a-zoare. Kregiñ a ra istor Irak da vare keodedoù-Stadoù [[Mezopotamia]], da vare [[Šušan]] ha [[Babilon]] dreist-holl. Astenn a reas an [[Hitited]] o beli goude war ar vro, ha war o lerc’h e voe renet ar vro gant an [[Asirianed]], ar [[Meded|Veded]].

[[Restr:Lammasu.jpg|thumb|An tarv askellek, dezhañ ur penn den {{VIIIvet}} kantved.]]

Traoniennoù an [[Tigris]] hag an [[Eufratez]] a voe dindan dalc’h meur a impalaeriezh war-lerc’h : an impalaeriezh sasanit, an impalaeriezh pers (o doa degaset ganto ar zoroastriegezh, ur relijion zo anezhi c’hoazh e proviñsoù zo), an impalaeriezh c’hresian (da vare aloubidigezhioù Alexandr Veur), ar vuzulmaned o tiskenn eus an ([[Ummaya|Diernezh Ummaya]] hag eus an [[Abbasided|Diernezh Abbassid]]), ha war-lerc’h an impalaeriezh otoman {{XIIIvet kantved}}, hag evit echuiñ an impalaeriezh trevadennel vreizhveuriat.

E-pad ar [[Brezel-bed kentañ]] e voe aloubet Irak gant ar [[Rouantelezh-Unanet|Vreizhveuridi]] ha d’ar [[1añ Here|1añ a viz Here]] [[1919]] e voe disklêriet e oa anezhi ur vro dizalc’h diouzh an impalaeriezh otoman. D’ar [[25 Ebrel|25 a viz Ebrel]] [[1920]] e fizias [[Kevredad ar Broadoù]] (an aozadur a oa bet anezhañ a-raok [[Aozadur ar Broadoù Unanet|ABU]]) er [[Rouantelezh-Unanet]] evit merañ [[Mezopotamia]].

D’an [[3 a viz Here]] [[1932]] e teuas Irak da vezañ ur vro dizalc’h. Un unpenniezh e beli ar Rouantelezh-Unanet e oa. Skoazellet e voe ar Republikaned da vat gant an Alamaned e 1941, p’o doa graet an taol-Stad. Ar Vreizhveuridi avat o doa adsavet an unpenniezh.

E [[1955]], da vare ar [[brezel yen]], he doa sinet Iraq [[emglev Baghdad]] hag evel-se e voe skoulmet ul liamm gant ar [[Stadoù-Unanet Amerika|Stadoù-Unanet]].

E [[1958]] en doa kemeret ar jeneral Kassen ar galloud da-heul un taol-Stad all. Hennezh a voe drouklazhet avat d’an [[9 C'hwevrer|9 a viz C’hwevrer]] [[1963]] e-pad un taol-Stad nevez.

D’an [[31 a viz Gouere]] [[1968]] e voe graet un taol-Stad adarre gant ar jeneral [[Ahmed Hassan al-Bakr]]. E [[1979]] e voe erlerc’hiet gant [[Saddam Hussein]].

D’an [[22 a viz Gwengolo]] [[1980]] e tisklêrias [[Saddam Hussein]] ar brezel da [[Iran]] abalamour da [[Chatt-el-Arab]] (delta an Tigris hag an Eufratez). Ar [[brezel Iran-Iraq]] pe [[brezel ar pleg-mor Arab-ha-Pers|brezel kentañ ar pleg-mor Arab-ha-Pers]]. Lakaet e voe un termen d’ar brezel e [[1988]] met ne oa bet gounid ebet.

E-pad an hañv [[1990]] e voe aloubet [[Koweit]] gant Iraq. Pennkaoz e voe an aloubidigezh-se da [[Brezel ar Pleg-mor|eil brezel ar pleg-mor Arab-ha-Pers]]. Da c’houde ar brezel e voe lakaet embargo war ar vro e-pad daouzek vloavezh, diwar ziviz an ABU. Ur spont e oa bet evit Irakiz (1,5 milion a dud bet lazhet).

D’an [[20 Meurzh|20 a viz Meurzh]] [[2003]] e oa bet taget Iraq gant armeoù kenunvanet ar [[Stadoù-Unanet Amerika|Stadoù-Unanet]] hag ar [[Rouantelezh-Unanet]], hag un dek bro bennak all : [[Japan]], [[Sukorea]], [[Polonia]], [[Spagn]] hag [[Italia]]. Diskaret e oa bet renad [[Saddam Hussein]] teir sizhun war-lerc’h. D’ar [[1añ Mae|1añ a viz Mae]] e voe lakaet un termen d’ar [[brezel Irak|trede brezel ar pleg-mor Arab-ha-Pers]]. Abaoe eo aloubet ar vro gant an armeoù kenunvanet.

D’an [[28 Mezheven|28 a viz Mezheven]] [[2004]] e oa bet lakaet war-sav ur gouarnamant da c’hortoz, diwar ziviz, hag [[Iyad Allaoui]] an hini eo a renas ar vro diwar ar mare-se. D’an [[30 Genver|30 a viz Genver]] [[2005]] e oa bet aozet ur gwir dilennadeg demokratel, ar pezh na oa ket bet graet er vro abaoe [[1953]], daoust d’ar [[sponterezh|sponterien]] a glaske levezoniñ an dud da chom hep mouezhiañ. Chiited ha Kurded Iraq avat a oa bet ur c’halz anezho o vouezhiañ.

D’ar [[6 Ebrel|6 a viz Ebrel]] [[2005]] e oa bet dilennet ur prezidant kurd [[Jalal Talabani]] evit ar wech kentañ en Irak.

D’ar [[5 a viz Du]] 2006 e voe kondaonet Saddam Hussein d'ar marv, kerkoulz ha daou geneil dezhañ, gant lez-kastiz uhel Irak. Kaset e voent dirak al lez-varn-se evit bezañ lakaet 148 den eus ur gêriadenn chiit d'ar marv er bloavezhioù 1980.

D’ar [[26 a viz Kerzu]] 2006 e voe distaolet galv Saddam Hussein ha d’an [[30 Kerzu|30 a viz Kerzu]] 2006, da 6 eur vintin, e voe krouget.

== Politikerezh ==
Betek [[2003]] e oa Iraq ur [[repubik]] ofisiel renet gant [[Saddam Hussein]] a rene ar vro abaoe ar [[16 Gouere|16 a viz Gouere]] [[1979]].

E 2003 e oa bet taget Iraq gant ar [[Stadoù-Unanet Amerika|Stadoù-Unanet]] hag ar [[Rouantelezh-Unanet]], skoazellet gant un dek bro bennak all. Rak-se e oa bet diskaret gouarnamant [[Saddam Hussein]]. Armeoù o tont eus ar Stadoù-Unanet, eus Polonia hag eus ar Rouantelezh-Unanet zo dreist-holl er vro abaoe.

* Gouarnamant da c’hortoz
D’an [[3 Mae|3 a viz Mae]] [[2005]] e voe lakaet ar chiit [[Ibrahim al-Jaafari]] e penn ar gouarnamant da c’hortoz. [[Jahal Talabani]], unan eus pennoù bras ar Gurded, zo prezidant nevez ar gouarnamant da c’hortoz.

[[Restr:Iraq-election2005-V.jpg|thumb|right|Un irakad oc’h ober arouez an trec’h en ur ziskouez e viz merket gant liv diverkus]]

* [[Dilennadeg an 30 a viz Genver 2005]]
D’an [[30 Genver|30 a viz Genver]] e oa bet dilennet un [[Bodadenn vroadel Iraq|ur vodadenn vroadel vonreizhañ]], a ya 275 sez d’hec’h ober. Dilennet e voe ur prezidant nevez ha daou vesprezidant. Da c’houde e voe anvet ur ministr kentañ gant an tri den-se hag ur gouarnamant nevez ivez e-lec’h ar gouarnamant da c’hortoz. Anv a oa ivez gant ar 14,2 milion a irakiz enskrivet war roll an dilennerien (hervez priziadur Bodad dilenn Iraq) da zilenn, hervez o rannvro, an 51 ezel eus Kuzul [[Baghdad]] hag an 41 ezel zo e pep hini eus ar 17 Kuzul-proviñs. Ar Gurded o doa ivez da zilenn ar 111 kannad eus ar [[Bodadenn emren ar Gurded|vodadenn emren]].

E-pad devezh an dilennadeg e voe graet gwalldaolioù ma oa bet marvet 36 den, 30 anezho ne oant ket soudarded. Daoust d’ar feulster ne oa ket bet Irakiz evit chom hep mont da vouezhiañ : 58 % eo ar feur perzhiañ (8 456 266 o doa mouezhiet). Aet e oa ar maout gant [[Kevredad unanet Iraq]], ul listenn [[chiit] harpet gant an aiatola meur [[Ali al-Sistani]]. 4 075 000 den o doa mouezhiet evitañ, bezet 48,1%. 2 175 000 mouezh (25,7 %) a oa aet gant ar C’hevredad kurd ; 1 168 000 mouezh (13,8 %) gant listenn ar Ministr kentañ kozh [[Iyad Allaoui]] ; 150 680 mouezh (1,7 %) gant liestenn ar prezidant kozh sunnit [[Ghazi al-Yaouar]].
[https://web.archive.org/web/20050908075805/http://fr.news.yahoo.com/050213/202/49soq.html Disoc'hoù an dilennadeg]

Bodad skrivañ ar [[Bonreizh|Vonreizh]], bet skrivet [[lezenn]] diazez Iraq gantañ a-raok ar [[15 Eost|15 a viz Eost]] [[2005]], zo enni 55 ezel, en o zouez 25 sunnit. Kinniget en doa da bobl Iraq mouezhiañ al lezenn diazez-se d’ar 15 a viz Here 2005 : 61 % eus ar geodediz o doa kemeret perzh er vouezhiadeg-se, daoust ma oa bet klasket mirout outo ober. 4 den a oa bet marvet en holl er vro. Anavezet e oa bet an disoc’hoù d’ar [[24 Here|a viz Here]] 2005 : 78 % eus Irakiz o doa demegeret ar Vonreizh met e daou broviñs sunnit ([[Salah ad Din]] hag [[Al Anbar]] ne oa ket bet degemeret. Lavaret he doa ar Bodad dilenn dizalc’h, staliet e Baghdad, e oa bet doujet da reolennoù etrebroadel an demokratelezh.

D’an [[8 Mezheven|8 a viz Mezheven]] [[2006] en deus ar Parlamant degemeret anvidigezh ministred an Difenn, an Diabarzh hag ar Surentez vroadel, ar pezh na oa ket bet graet abaoe an [[20 Ebrel|20 a viz Ebrel]], da lavaret eo abaoe m’eo bet kemeret ar galloud gant gouarnamant ar Ministr kentañ [[Nouri al-Maliki]]. Ar Sunnit [[Abdul-Qadre Mohammed Jassim]] zo bet anvet da vinistr an Difenn. Ar Chiited [[Jawad al-Bolani]] ha [[Cherwan al-Waili]] zo bet anvet da vinistr an Diabarzh ha da vinistr ar Surentez vroadel.

== Proviñsoù ==

18 proviñs (''muhafazat'' (unander), ''muhafazah'' (liester)) a ya d’ober Irak :

* [[Al Anbar]]
* [[Bassorah|Al Basrah]]
* [[Al Muthanna]]
* [[Al Qadisiyah]]
* [[Nadjaf|An Najaf]]
* [[Arbil]]
* [[As Sulaymaniyah]]
* [[At Ta'mim]]
* [[Babil]]
* [[Baghdad]]
* [[Dahuk]]
* [[Dhi Qar]]
* [[Diyala]]
* [[Kerbala]]
* [[Maysan]]
* [[Ninawa]]
* [[Salah ad Din]]
* [[Wasit]]

== Douaroniezh ==
[[Restr:Iraq_carte.png|200px|Kartenn Iraq|right|thumb]]
[[Restr:Satellite image of Iraq in August 2003.jpg|thumb|200px|right|Skeudenn dre loarell eus Iraq e miz Gwengolo 2003]]

* Gorread : 437 072 km² (en o zouez 4 910 km² a ledennadoù dour)
* Harzoù : 3 650 km
** [[Iran]] ([[Pers]]) (1 458 km)
** [[Jordania]] (181 km)
** [[Koweit]] (240 km)
** [[Arabia Saoudat]] (814 km)
** [[Siria]] (605 km)
** [[Turkia]] (352 km)

=== Kerioù pennañ ===
* [[Bagdad|Baghdad]]
* [[Bassorah|Al Basrah]]
* [[Duhok]]
* [[Falloujah]]
* [[Mōṣul]]
* [[Arbil]]
* [[Kirkouk|Kirkuk]]
* [[Souleymaniah|, As Sulaymānīya]]
* [[Baïji]]

== Armerzh ==
Feur deskiñ lenn ha skrivañ an oadourien (% 2000-2004) : 
* Hollad : 39
* Paotred : 55
* Merc’hed : 23
 
Er blegenn e oa armerzh ar vro da-heul aloubidigezh ar vro met krog eo d’ober berzh en-dro daoust d’an diasterioù zo anezho hiziv c’hoazh er vro. Kresk bras zo : 29,3 miliard a [[dollar amerikan|zollarioù]] eo ar produadur diabarzh kriz (PDK), tra ma oa 18,4 miliard e 2005 gant ur produadur broadel kriz (PBK) dre zen a 780 $ e 2002, hervez ar [[Bank-bed]].

An [[eoul-maen]] eo barregezh kentañ ar vro. 2,03 milion a varilhadoù tireoul a veze produet bemdez e [[2004]] daoust ma oa kudennoù surentez er vro. Priziet e voe miradoù tireoul Iraq da 115 miliard a [[barilh|varilhadoù]] e [[2004]]. N’eo ket reizh ar sifroù-se, war a seblant, hervez arbennigourien zo. Gant-se e oa Iraq en trede plas, dres war-lerc’h Arabia Saoudat hag Iran, evit an niver a viradoù tireoul.

Degemeret buan-tre o deus Irakiz an teknologiezhioù kehentiñ nevez (4,5 milion a dud koumantet d’ar [[pellgomz]] – pellgomzerioù difiñv ha pellgomzerioù hezoug – e miz Eost [[2005]], pa oa 883 000 den koumantet hepken a-raok an aloubidigezh. 147 000 den a veze koumantet d’ar [[Kenrouedad|Genrouedad]] e miz Meurzh 2005 e-skoaz e 2002, ma ne oa nemet 4500).

N’eo ket kemmet al lezennoù sokial a oa bet lakaet da dalvezout gant renadur Saddam Hussein. N’eo ket mui [[Kengevread Hollek ar sindikadoù]] ar sindikad nemetañ er gennad (bihan) prevez. [[Kevread irakat ar sindikadoù]], ar sindikad nemetañ anavezet gant ar Stad, zo bet lakaet en e lerc’h. Er gennad foran emañ ar c’hevread-se ivez, daoust ma’eo berzet ar sindikadoù gant al lezenn. Sindikadoù dezho skourroù emren a vod dreist-holl kelennerien ha tud a labour er gennad tireoul.
[[OPEP|ABET]] (ABET : Aozadur ar Broioù a Ezporzh Tireoul).


== Poblañs ==
[[Restr:Iraq-demography.png|thumb|250px|right|Emdroadur ar boblañsouriezh etre 1961 ha 2003 (sifroù gant [[Aozadur ar Broadoù Unanet evit ar boued hag al labour-douar|FAO]], 2005). Poblañs e milieroù a dud.]]

Annezidi : 26 074 906 (miz Gouere [[2005]])[https://web.archive.org/web/20070509151546/https://www.cia.gov/cia//publications/factbook/geos/iz.html]
* Arabed (75~80 %) (sunnited : 18 %, chiited : 50~55 %)
* Kurded (22~25 %)
* Turkomaned (2~3 %) (sunnited an darn vrasañ anezho)

Relijionoù : 97 % eus an dud zo muzulmaned, 55 % anezho zo chiited. 
3 % a gristenien, ortodoksed an darn vrasañ anezho, zo o vevañ er vro, dreist-holl e Baghdad hag en trowardroioù.

== Sevenadur ==


== Lenn ivez ==
* [[Brezel Iran-Iraq]]
* [[Brezel Koweit]], [[1990]]-[[1991]]
** Oberiadenn [[Korventenn an dezerzh]] (Operation Desert Storm)
* [[Brezel Irak]], [[2003]]
** Oberiadenn [[Dieubidigezh Iraq]] (Operation Iraqi Freedom)
* [[Dilennadeg Bodadenn Vroadel Irak e 2005|Dilennadeg Bodadenn Vroadel Irak]], [[2005]]

=== Liammoù diavaez ===
* {{fr}} [https://web.archive.org/web/20060901230810/http://fr.encarta.msn.com/encnet/refpages/RefArticle.aspx?refid=761567303 Fichenn dre ar munud diwar-benn Iraq], Holloueziadur [[Encarta]]
* {{en}} [https://web.archive.org/web/20131208215316/http://www.iraqigovernment.org/ Lec’hienn gouarnamant Iraq]
* {{en}} [https://web.archive.org/web/20181012233225/http://www.council-iraqi.com/ Kuzul Broadel Iraq]
* {{en}} [http://www.rebuilding-iraq.net/ Lec’hienn ofisiel evit adsevel Iraq]
* {{fr}} [http://www.herodote.net/histoire03112.htm Istor an aloubidigezhioù en Iraq]
* {{fr}} [http://www.un.org/french/Depts/oip/index.html Burev e karg eus ar programm Iraq Iraq''Tireoul en eskemm boued'']
* {{fr}} [http://libanvision.com/guerre-irak.htm Heuliañ brezel Iraq « eus Bayrūt 1982 da Vaghdad 2003 » gant LibanVision]
* {{fr}} [http://www.solidariteirak.org/ Keleier diwar-benn stourmoù ar merc’hed hag ar stourmoù sokial en Iraq]
* {{fr}} [http://sisyphe.org/rubrique.php3?id_rubrique=18 Iraq aloubet gant an Amerikaned]
* {{fr}} [https://web.archive.org/web/20210118032733/https://www.vigirak.com/ Lec’hienn diwar-benn ar brezel en Iraq]
* {{fr}} [https://web.archive.org/web/20060906230151/http://www.lariposte.com/article.php3?id_article=52 Savboent marksour : ar bed goude ar brezel en Iraq - gant Alan Woods]

== Levrlennadur ==
* [[Chris Kutschera]] (dindan renerezh), [[Bernard Kouchner]] (rakskrid), ''Le Livre noir de Saddam Hussein'', Embannadurioù, 2005, Pariz, ISBN 2-915056-26-9.

== Notennoù ha daveennoù ==
<references/>

{{Azia}}
{{OPEC}}
{{Kevre ar Stadoù Arab}}
{{AC'hI}}

[[Rummad:Iraq|*]]